اسلام آباد( سٹاف رپورٹر) سیکیورٹی ذرائع کے مطابق 7-9 اگست کو سیکیورٹی فورسز نے فتنہ الخوارج کی ایک بڑی تشکیل جو سمبازا، بلوچستان کے علاقے میں بارڈر کراس کرنے کی کوشش کر رہی تھی، کو موثر کاروائی کے بعد جہنم واصل کیا سیکیورٹی ذرائع کا کہنا ہے کہ 7-9 اگست کو سیکیورٹی فورسز نے آپریشن میں فتنہ الخوارج کے 47 دہشت گردوں کو جہنم واصل کیا، جہنم واصل زیادہ تر دہشت گرد افغان تھے سیکیورٹی ذرائع نے کہا کہ بارڈر پر فتنہ الخوارج کے جہنم واصل زیادہ تر دہشت گردوں کی لاشیں افغانستان کی طرف گری تھیں، مارے جانے کے پندرا دن بعد بھی افغانستان سے ان جہنم واصل دہشت گردوں کی لاشیں اٹھانے کوئی نہیں آیا، اس دوران جہنم واصل دہشت گردوں کی لاشیں افغانستان سائڈ پر گلتی سڑتی رہیں۔
سیکیورٹی ذرائع نے بتایا کہ 25 اگست کو بارڈر پر افغان حکام کے ساتھ جرگہ کے بعد ان لاشوں کو گدھوں پر لاد کر لے جایا گیا، لمبا عرصہ دھوپ اور باہر کھلے میں پڑے رہنے والے فتنہ الخوارج کے جہنم واصل 47 دہشت گرد گوشت خور جانوروں کی بھوک بھی مٹاتے رہےسیکیورٹی ذرائع کے مطابق فتنہ الخوارج کی اس بڑی تشکیل کو کسی بھی دہشت گردنانہ کاروائی سے پہلے ہی ٹھکانے لگا دینا سیکورٹی اور انٹیلیجینس اداروں کی بڑی کامیابی ہے۔
