اسلام آباد (سٹاف رپورٹر )وزیراعظم محمد شہباز شریف نے بیجنگ سے چیئرمین این ڈی ایم اے سے ٹیلیفونک رابطہ کیا۔چیئرمین این ڈی ایم اے نے وزیراعظم کو پاکستان میں سیلابی صورتحال کے حوالے سے آگاہ کیا اور امدادی کاروائیوں پر بریفنگ دی ۔
چئیرمین این ڈی ایم اے نے وزیراعظم کو روای، چناب اور ستلج میں بڑھتی ہوئی طغیانی کے حوالے سے آگاہ کیا ۔
وزیراعظم نے این ڈی ایم اے کو دریاؤں میں بڑھتی ہوئی طغیانی کے پیش نظر ریسکیو و امدادی کاروائیوں کی تیاری قبل از وقت مکمل کرنے کی ہدایت کی ۔
وزیراعظم نے این ڈی ایم اے کو صوبائی حکومتوں سے مکمل تعاون کر کے حفاظتی اقدامات اور امدادی کارروائیاں تیز کرنے سمیت عوام کو راوی، چناب اور ستلج میں بڑھتی ہوئی طغیانی کے حوالے سے عوام کو پیشگی آگاہ کرنے کی ہدایت کی ۔
