اسلام آباد (سٹاف رپورٹر )صدر مملکت آصف علی زرداری نے متحدہ عرب امارات کی بحریہ کے کمانڈر کو نشانِ امتیاز (ملٹری) عطا کیا ہے اعزاز دینے کی تقریب ایوانِ صدر اسلام آباد میں منعقد ہوئی۔صدر مملکت نے کمانڈر حميد محمد عبداللہ الرميثي سے ملاقات بھی کی۔انہوں نے کہا کہ اعزاز کمانڈر الریمیثی کی نمایاں خدمات کا اعتراف ہےصدر آصف علی زرداری نے مزید کہا کہ پاکستان اور متحدہ عرب امارات کے مابین برادرانہ تعلقات ہیں۔صدر مملکت نے متحدہ عرب امارات بحریہ کی امن ڈائیلاگ 25 اور مشق امن 25 میں شمولیت کو سراہا۔انہوں نے کہا کہ پاک بحریہ مستقبل میں بھی متحدہ عرب امارات نیوی کی افرادی قوت کی ضروریات پوری کرنے کو تیار ہے۔
کمانڈر الریمیثی نے بتایا کہ انہوں نے پاکستان نیول اکیڈمی کراچی سے گریجویشن کی وزیر دفاع خواجہ آصف، سابق اسپیکر قومی اسمبلی راجہ پرویز اشرف اور سابق چیئرمین سینیٹ نیئر بخاری بھی موجود تھے۔
