اسلام آبا د (سٹاف رپورٹر)وزیر اعظم محمد شہباز شریف نے غزہ جانے والے “گلوبل صمود فلوٹیلا” میں پاکستانی شہریوں کی باوقار شرکت کو سراہتے ہوئے ان کی واپسی کا مطالبہ کیا ہے جمعرات کو ایکس پر اپنے پیغام میں وزیر اعظم نے کہا کہ مشتاق احمد خان ، مظہر سعید شاہ ، وہاج احمد ، ڈاکٹر اسامہ ریاض، اسماعیل خان ، سید عزیز نظامی اور فہد اشتیاق سمیت دیگر پاکستانیوں نے انسانی ہمدردی کے اصولوں کے عین مطابق اس عظیم امدادی مشن میں حصہ لیا۔
یہ اقدام پاکستانی عوام کی امن پسند امنگوں، انصاف کے لیے جدوجہد اور ضرورت مندوں کی مدد کے جذبے کی نمائندگی کرتا ہے انہوں نے کہا کہ حکومت پاکستان انسانی جان کے احترام، محفوظ رسائی اور بلا تعطل امداد کے اصولوں کی حمایت کرتی ہے اور اپنے شہریوں کی واپسی کا بھرپور مطالبہ کرتی ہے اور ان کی سلامتی، وقار اور جلد از جلد وطن واپسی کے لیے دعاگو اور کوشاں ہے.
