اسلام آباد (سٹاف رپورٹر) دانشوروں، ماہرین تعلیم، سول سوسائٹی، نوجوانوں اور میڈیا برادری نے سربرینیکا میں 1995 کی نسل کشی کی عکاسی اور یادگار کا پہلا عالمی دن منایا جو اقوام متحدہ نے 2024 میں اسے قرار دیا جب جنرل اسمبلی میں ایک قرارداد منظور کی گئی اور پاکستان نے اس کی حمایت کی۔ یہ دن 11 جولائی 1995 کو بوسنیائی سرب ملٹری فورسز کے ذریعے بوسنیائی شہریوں کی نسل کشی کی 30 ویں برسی کا بھی موقع ہے۔
اس سلسلے میں شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی میں 10 جولائی 2025 کو شہید بھٹو فاؤنڈیشن اسلام آباد، سفارت خانہ بوسنیا ہرزیگوینا اور بین الاقوامی میگزین “پاکستان ان دی ورلڈ” کے اشتراک سے ایک خصوصی تقریب کا انعقاد کیا گیا۔ تقریب کا مرکزی سیشن فلم “آ ئیدہ! کہاں جا رہی ہو” نمائش تھا جو آسکر کے لیے نامزد اور یورپی یونین کی ایوارڈ یافتہ فلم ہے ۔ یہ فلم اس بارے میں ہے کہ کس طرح بوسنیا کی ماؤں اور بہنوں کو ان کے بیٹوں، بھائیوں سے محروم کیا گیا جنہیں بے دردی سے قتل کیا گیا۔
مقررین میں شہید بھٹو فاؤنڈیشن کے سی ای او آصف خان سفیر ایمن کوہوڈاریوچ، زیبسٹ کے سوشل سائنسز کے سربراہ ڈاکٹر طارق وحید، سینٹر پاکستان اینڈ انٹرنیشنل ریلیشنز کی چیئرپرسن ، محترمہ آمنہ منور اعوان اور ایڈیٹر “پاکستان ان دی ورلڈ” تزئین اختر شامل تھے,آصف خان نے بوسنیا کی بقا اور خودمختاری کی جدوجہد میں محترمہ بے نظیر بھٹو شہید کے معاون کردار پر روشنی ڈالی کیونکہ انہوں نے فروری 1995 میں بطور وزیراعظم بوسنیا کا دورہ اور اظہار یکجہتی کیا۔ انہوں نے بتایا کہ جب صدر بوسنیا نے گزشتہ سال اقوام متحدہ کی قرارداد پر صدر زرداری سے مدد مانگی تو انہوں نے بوسنیا کو بھائی جیسا جواب دیا۔ پاکستان نے قرارداد کے حق میں ووٹ دیا۔
سفیر نے اپنے کلیدی خطاب میں کہا، ہم ان لوگوں کے خلاف اکٹھے کھڑے ہیں جو ہمیں تقسیم کرنے کی کوشش کرتے ہیں اور ہم نفرت، امتیاز اور تعصب کی مخالفت کرنے کا عہد کرتے ہیں جہاں بھی وہ سر اٹھاتے ہیں۔ تب ہی ہماری کمیونٹیز اور دنیا محفوظ، مضبوط اور زیادہ مربوط ہو سکتی ہے۔سفیر نے مئی 2024 میں اقوام متحدہ کی جنرل اسمبلی میں قرار داد منظور کرنے میں حکومت پاکستان کی عظیم مدد پر شکریہ ادا کیا۔
انہوں نے کہا کہ پیچیدہ عالمی تعلقات کے دور میں یہ جاننا ضروری ہے کہ سچ کے محافظ ہوتے ہیں۔ اس لیے یہ ضروری ہے کہ ہم مل کر امن کے کلچر کو مضبوط کریں، انصاف کے حامیوں کی حوصلہ افزائی کریں،جنگی مجرموں کی تعریف کرنے کی پالیسی کی مذمت کریں اور نسل کشی کی روک تھام کے لیے تعلیمی نظام کو مضبوط کریں,شرکاء نے فلم کو گہری دلچسپی کے ساتھ دیکھا تاکہ اس بات کو جذب کیا جا سکے کہ سرب فوج کے ہاتھوں اس قتل عام کے دوران چیزیں کیسے سامنے آ رہی تھیں۔ انہوں نے آزادی کی جدوجہد کے دوران بوسنیائی شہریوں پر ہونے والے مظالم کی متفقہ طور پر مذمت کی۔اس موقع پر پی پی پی سپورٹس ونگ پنجاب کے صدر طیب چٹھہ نے سفیر کو یادگاری شیلڈ پیش کی۔
