اسلام آباد (سٹاف رپورٹر)گورنر خیبرپختونخوا فیصل کریم کنڈی سے پاکستان تحریک انصاف پارلیمنٹیرینز کے وفد نے رکن صوبائی اسمبلی نادیہ شیر کی قیادت میں ملاقات کی۔ اس موقع پر سعید نعیم ،صلاح الدین خان یوسفزئی ،ڈپٹی جنرل سیکرٹری عبید علی بھی ان کے ہمراہ تھے۔
پیر کو گورنر آفس سے جاری بیان کے مطابق ملاقات میں خیبرپختونخوا کی سیاسی صورتحال پر تبادلہ خیال کیا گیا۔اس موقع پر گورنر خیبرپختونخوا فیصل کریم کنڈی نے کہا کہ صوبہ کی موجودہ صورتحال میں سیاسی جماعتوں کو عوام اور صوبہ کے وسیع تر مفاد کو مدنظر رکھنا ہوگا۔ انہوں نے کہا کہ بطور گورنر وہ آئین و قانون کے مطابق اپنا کردار ادا کریں گے۔ پاکستان پیپلز پارٹی کے ڈپٹی جنرل سیکرٹری ابرار سعید سواتی بھی اس موقع پر موجود تھے ۔
