خبروں کی معروف ویب سائٹ کیپیٹل نیوز پوائنٹ نے آزادی کی ڈائمنڈ جوبلی کے موقع پر تمام اہل وطن اور دنیا بھر میں مقیم پاکستانیوں کو تہہ دل سے مبارکباد پیش کرتے ہوئے اس امید کا اظہار کیا ہے کہ قوم انشا اللہ آنے والے وقت میں دنیا کی ایک عظیم قوم بن کر ابھرے، کیپیٹل نیوز پوائنٹ کے ایڈیٹر، نیوز ایڈیٹر اور جملہ سٹاف نے بھی تمام قارئین کو تہہ دل سے مبارکباد پیش کی، اپنے ایک جاری پیغام میں ویب سائٹ کے ایڈیٹر نے کہا ہے کہ آج سے 75 سال قبل قائد اعظم محمد علی جناح کی ولولہ انگیز قیادت میں انگریز سامراج اور ہندوئوں سے آزادی ملی جس پر اللہ کا جتنا بھی شکرادا کریں کم ہے، اپنے پیام میں انہوں نے اس امید کا اظہار کیا کہ پاکستان بہت جلد اتحادی حکومت کی کوششوں سے معاشی اور دیگر مسائل سے باہر آجائے گا اور ترقی کی راہ پر گامزن ہو گا، ان کا یہ بھی کہنا تھا کہ یہ وقت ہے کہ ہم اپنے تمام سیاسی ، مذہبی اور دیگر اختلافات بھلا کر ایک قوم بن کر ملک کی ترقی کیلئے کام کریں،پاکستان زندہ باد
