بھارت کے غیر قانونی طور پر مقبوضہ جموں و کشمیر میں کل جماعتی حریت کانفرنس (اے پی ایچ سی) نے لوگوں سے اپیل کی ہے کہ وہ کشمیر کی مزاحمتی تحریک کے سرکردہ رہنما سید علی گیلانی کو ان کی پہلی برسی پر خراج عقیدت پیش کرنے کے لیے جمعرات کو سری نگر کے حیدر پورہ کی طرف مکمل بند اور بڑے پیمانے پر مارچ کریں۔
سید علی گیلانی نے گزشتہ سال سری نگر میں اپنی رہائش گاہ حیدر پورہ میں بھارتی پولیس کی حراست میں جام شہادت نوش کیا جہاں انہیں ایک دہائی سے زائد عرصے تک مسلسل نظربند رکھا گیا۔
بھارتی فورسز کے اہلکاروں نے بزرگ رہنما کی آخری وصیت کی خلاف ورزی کرتے ہوئے رات کی تاریکی میں سخت فوجی محاصرے میں سری نگر کے حیدر پورہ قبرستان میں سید علی گیلانی کی میت کو زبردستی دفنانے کے لیے چھین لیا تھا۔
