وزارت اقتصادی امور نے عالمی بینک کے ساتھ 500 ملین ڈالر مالیت کے دومنصوبوں پر دستخط کر دیئے ،200 ملین امریکی ڈالر مالیت کےپنجاب لچکدار اور جامع زرعی تبدیلی کے منصوبےاور 300 ملین امریکی ڈالر مالیت کے “خیبر پختونخوا ایکسیسبیلٹی پروجیکٹ” کے پراجیکٹس شامل ہیں ۔بدھ کوحکومت پاکستان کی جانب سے وزارت اقتصادی امور کے سیکرٹری ڈاکٹر کاظم نیاز نے ان دوما لیاتی معاہدوں پر دستخط کیے جبکہ عالمی بینک کے کنٹری ڈائریکٹر ناجی بن حسائن نے عالمی بینک کی جانب سے معاہدوں پر دستخط کئے۔ 200 ملین ڈالرز مالیتی منصوبہ پنجاب لچکدار اور جامع زرعی تبدیلی ،پنجاب میں زرعی پانی تک مساوی رسائی اور پیداواری صلاحیت کو بڑھانے اور کسانوں کے خاص طور پر چھوٹے اور درمیانے درجے کے زمینداروں کی آمدنی کو بہتر بنانے کے لیے ڈیزائن کیا گیا ہے۔
یہ منصوبہ پنجاب کی زراعت کو مزید جامع، پیداواری، پائیدار اور مارکیٹ پر مبنی شعبے میں تبدیل کرنے میں معاون ثابت ہوگا۔ یہ منصوبہ حکومت پنجاب کو کم پانی تک رسائی اور کھیتی پر پانی کے زیادہ نقصانات کو دور کرنے میں مدد کرے گا۔ کم پیداواری صلاحیت، اعلیٰ قیمت والی فصلوں کی طرف فصلوں کا محدود تنوع اور زیادہ پانی والی فصلوں سے دوری، اور موسمیاتی سمارٹ پیداواری طریقوں کو اپنانے اور چھوٹے اور درمیانے درجے کے کسانوں کے لئے مارکیٹ کے مواقع فراہم کرے گا ۔300 ملین ڈالرز مالیتی منصوبے خیبر پختونخو دیہی رسائی پراجیکٹ کا مقصد صوبہ خیبر پختونخوا میں سکولوں، صحت کی سہولیات اور بازاروں تک محفوظ اور موسمیاتی لچکدار دیہی رسائی کو بہتر بنانا ہے۔ منصوبے کی مداخلت سے خیبر پختونخوا کی حکومت کو صوبائی سڑکوں کی اپ گریڈنگ اور بحالی، انفراسٹرکچر کی آب و ہوا کی لچک کو بہتر بنانے میں مدد ملے گی، بشمول پشتوں کی تعمیر، سائیڈ ڈرین، پلوں کی فراہمی، پلوں کی بہتری، گڑھے، پودوں، سکولوں، صحت کی سہولیات اور بازاروں کے ارد گرد سڑک کی حفاظت کے بنیادی ڈھانچے اور آلات کی بہتریانٹرنیٹ کنیکٹیویٹی کی توسیع کو آسان بنانے کے لیے فائبر آپٹک انفراسٹرکچر کی فراہمی اور، لڑکیوں کے لیے محفوظ اوراسکول تک سستے سفر اور پسماندہ کمیونٹیز کی لڑکیوں کے لئے سبسڈی والے سکول ٹرانسپورٹ کی فراہمی ہوگی ۔
اکتوبر 2022 میں، وزارت اقتصادی امور نے 690 ملین امریکی ڈالر (جس میں 82 ملین امریکی ڈالر کی گرانٹ بھی شامل ہے) کے تین دیگر اہم منصوبوں پر بھی دستخط کئے تھے جو کہ صوبہ پنجاب میں زمین کے انتظام اور ہائوسنگ سیکٹر کی ترقی اور صحت کے شعبے میں قومی سطح پر مداخلت کے لیے عالمی بینک کے ساتھ ہیں جس میں زمینی ریکارڈ کو بہتر بنانا؛ اور ترقی کے لیے زمین کی نشاندہی، بشمول پنجاب میں ہائوسنگ پروگرامز کے لئے زمین، ہائوسنگ اداروں اور نظام کو مضبوط کرنا اور صوبہ پنجاب میں سستی رہائش کی فراہمی کی مقدار اور معیار کو بڑھانا اور (مصحت کی ضروری خدمات کی مساوی فراہمی اور معیار۔ بنیادی صحت کی دیکھ بھال کی سطح، پاکستان میں یونیورسل ہیلتھ کوریج جیسی سہولیت کی فراہمی شامل ہے ۔ سیکرٹری وزارت اقتصادی امور ڈاکٹر کاظم نیاز نے وفاقی حکومت کے اس عزم کا اعادہ کیا کہ وہ ترقیاتی چیلنجوں پر قابو پانے اور ملک میں زیادہ جامع اور پائیدار اقتصادی ترقی کے حصول کے لیے ضروری مالی ضروریات کو پورا کرنے کے لیے صوبائی حکومتوں کو ہر ممکن تعاون فراہم کرے گی۔
