اسلام آباد۔ وفاقی وزیر برائے ہاؤسنگ اینڈ ورکس میاں ریاض حسین پیرزادہ نے انفراسٹرکچرڈویلپمنٹ کا جائزہ لینے کے لئے اسکائی گارڈنز ہاؤسنگ منصوبے کا آج سائٹ وزٹ کیا۔ یہ فیڈرل گورنمنٹ ایمپلائز ہاؤسنگ اتھارٹی (ایف جی ای ایچ اے) کا ایک پروجیکٹ ہے جو کہ وزارت ہاؤسنگ اینڈ ورکس کا منسلک ادارہ ہے۔ سیکرٹری ہاؤسنگ اینڈ ورکس ڈاکٹر شہزاد خان بنگش اور وزارت کے سینئر افسران اس دورے میں وزیر کے ہمراہ تھے۔
وزیر کو ڈائریکٹر جنرل ایف جی ای ایچ اے نے پراجیکٹ کے بارے میں باضابطہ بریفنگ دی۔ وزیر نے ٹھیکیداروں سے بھی خود ترقیاتی کام میں پیشرفت کے بارے میں تفصیلات لیں اور تبادلہ خیال کیا۔
اسکائی گارڈنز (گرین انکلیو II) گیارہ ہزار کنال کی ایک ہاوسنگ اسکیم ہے جو مری ایکسپریس وے کے قریب ایک علاقے میں اسلام آباد کے مضافاتی علاقے موضع کتھر مینگل میں واقع ہے۔ یہ ایک ایسا جوائنٹ وینچر ہے جو 2019 میں شروع کیا گیا تھا لیکن متعدد عوامل کی وجہ سے جمود کا شکار رہا۔ فی الحال، سڑکوں کی تعمیر، باؤنڈری والز کو برقرار رکھنے، پانی کی فراہمی کے نظام اور سیوریج سسٹم کی تعمیر کے لیے تخمینہ کے مطابق 7.944 بلین روپے کی لاگت سے بنیادی ڈھانچے کا ترقیاتی کام اس کےفیز 1-(بی) میں بلاک، ایچ، جے اور کے میں جاری ہے۔
میڈیا سے خطاب کے دوران منسٹر نے کہا کہ اعلیٰ معیار کی رہائشی سہولیات کی فراہمی ہماری اولین ترجیح ہے۔ وہ اور انکی ٹیم اس وزارت کے تحت جاری تمام منصوبے میں تاخیر کے مسائل کو حل کرنے کے لئےمکمل طور پر پرعزم ہیں۔ انہوں نے پروجیکٹ سائٹ کو جنت بے نظیر کہا جیسا کہ اس کے ارد گرد خوبصورت مناظر ہیں جو کہ جلد ہی اعلی معیار کی شہری رہائش کی سہولیات سے آراستہ ہوگا۔ انہوں نے ٹھیکیداروں اور کارکنوں کی پوری ٹیم کو اپنے مسلسل کام کے لئے سراہا اور منصوبے کی جلد تکمیل پر زور دیا۔
وزیر کو اس مشترکہ اسکیم میں رہائشی اور کمرشل پلاٹس کے فارمولا جو کہ بالترتیب 70:30 اور 45:55 ہے کے بارے میں بھی آگاہ کیا گیا۔ مزید برآں، کچھ بلاکس میں بنیادی ڈھانچے سے متعلق جاری سرگرمیاں رواں سال دسمبر میں آنے میں مکمل ہوں گی اور 2026 ء کے آخر تک تمام ترقیاتی کام مکمل ہونے کا بھی اندازہ لگایا گیا ہے۔ دورے کے دوران وزیر نے کامنرز برج کا افتتاح بھی کیا اور ایک پودا بھی لگایا۔
ہاؤسنگ کی معیاری سہولیات کو یقینی بنانا اور رہائشی منصوبوں میں تاخیر کے معاملات کو حل کرنا ہماری اولین ترجیح ہے،ریاض حسین پیرزادہ
