اسلام آباد ۔وفاقی وزیر برائے ہاوسنگ اینڈ ورکس میاں ریاض حسین پیرزادہ نے فیڈرل گورنمنٹ ایمپلائز ہاوسنگ اتھارٹی (ایف جی ای ایچ اے) کے 36 ویں ایگزیکٹو بورڈ اجلاس کی صدارت کی ۔
اجلاس کے ایجنڈے میں 13 اور 14 نومبر کو سیکٹر جی 13 اور جی 14 اسلام آباد میں واقع ایف جی ای ایچ اے کے 24 کمرشل پلاٹس کی آئندہ اوپن نیلامی کے لئے بروشر اور نظر ثانی شدہ شرائط و ضوابط کی منظوری شامل کی گئی تھی۔ مزید برآں، سیکٹر 24-بی، 25 بی، 19 سی اور اسکیم 33 میں واقع مختلف کیٹیگریز اور سائز کے کمرشل پلاٹوں اور جائیدادوں کی نیلامی اور گلزار ہجری، کراچی کے بارے میں تفصیلی بحث کی گئی۔ اس کے ساتھ ساتھ سی ڈی اے کی جانب سے سیکٹر آئی 8 میں ایف جی ای ایچ اے کو فراہم کئے جانے والے بقیہ پلاٹوں کا دعویٰ اور اسلام آباد لینڈ ڈسپوزل ریگولیشنز کے تحت 10 فیصد پلاٹ کا موضوع بھی ایجنڈے میں شامل تھا۔
بورڈ نے بنیادی طور پر نیلامی کے لئے بروشر اور شرائط و ضوابط کی منظوری دی جو حال ہی میں سرمایہ کاروں کو قبضے میں مزید آسانی، چھوٹ، قسط کا منصوبہ، بلڈنگ پلان اور فلور ایریا تناسب کی منظوری کی پیشکش کرکے انہیں مزید سرمایہ کار دوست بنانے کے لئے نظر ثانی کی گئی ہے۔ معزز وزیر نے شرائط و ضوابط کو اس انداز میں ڈھالنے پر زور دیا جو بیرون ملک مقیم پاکستانیوں اور غیر ملکی سرمایہ کاروں کے لئے زیادہ پرکشش ہونی چاہیے۔
سی ڈی اے کے ساتھ ایف جی ای ایچ اے کے پلاٹوں کے دعوے کو طے کرنے کے لئے، وزیر نے ایک کمیٹی تشکیل دینے کا مشورہ دیا جس میں بڑے اسٹیک ہولڈرز یعنی ایف جی ای ایچ اے، سی ڈی اے، فنانس اور لائ ڈویڑن کے ممبر شامل ہوں گے۔ یہ قدم وزیر اعظم کی ہدایات کے مطابق وفاقی حکومت کے اداروں/محکموں کے درمیان طویل موقف کے تنازعات کو غیر ضروری قانونی چارہ جوئی میں وسائل ضائع کرنے کے بجائے مل بیٹھ کر طے کرنے کے لئے اٹھایا گیا ہے۔
وزیر ہاﺅسنگ ریاض حسین پیرزادہ کی زیر صدارت ایف جی ای ایچ کے 36 ویں ایگزیکٹوکا اجلاس
