اسلام آباد (ًما نیٹرنگ ڈیسک) خیبرپختونخوا ہ بیوروکریسی نے آئی جی اسلام آباد سمیت چھ سو پولیس اہلکاروں کے خلاف مقد مہ درج کرنے سے انکار کر دیا ۔و قوعہ اسلام آباد کا ہے مقد مہ بھی وہاں درج ہو سکتاہے یہاں مقدمہ درج کیا گیا توافسران کےخلاف مقدمات کیلئے اسےجوازبنایا جائے گا چیف سیکرٹری اور آئی جی نےقانونی پہلوؤں سےوزیراعلیٰ کو آگاہ کر دیا وزیراعلیٰ کو بریفنگ میں بتایاکہ واقعہ جہاں ہوا وہاں پر ہی مقدمہ درج کیا جاسکتا ہے، ۔بریفنگ میں کہا گیا ہے کہ کل کو ہمارے افسران کےخلاف دیگر صوبوں میں مقدمات درج ہوں گے۔
ذرائع کے مطابق مقدمہ اندراج پروزیر داخلہ محسن نقوی نے آئی جی کےپی سے رابطہ بھی کیا تھا، ایڈووکیٹ جنرل نے کے پی ہاؤس اسلام آباد میں پولیس چھاپے کے متعلق کابینہ کوآگاہ کیا تھا۔اس حوالے سے مشیر اطلاعات خیبرپختونخوا بیرسٹر محمد علی سیف کا کہناتھاکہ اس مسئلہ پر قانونی پہلووں کا جائزہ لیا جا رہا ہے، ایڈووکیٹ جنرل کےپی اور ان کا اسٹاف اس پر کام کر رہا ہے۔انہوں نے کہاکہ قانونی کارروائی پوری ہونے کے بعد اس پر ایکشن لیا جائے گا۔خیال رہے کہ خیبرپختونخوا کابینہ کے فیصلے کے تحت انسپکٹر جنرل (آئی جی) پولیس اسلام آباد پر ایف آئی آر درج کرانے کیلئے پشاور کے تھانے میں درخواست جمع کرائی گئی تھی جس کے بعد کے پی کے بیوروکریسی نے آئی جی اسلام اآباد کے خلاف مقد مہ درج کرنے سے انکار کر دیا۔
