اسلام آباد ( سیاسی رپورٹر)پی ٹی آئی کے احتجاج میں رینجرز اہلکاروں پر گاڑی چڑھانے سے ان کی شہادت کا مقدمہ درج کر لیا گیا، وزیراعلیٰ خیبرپختونخوا علی امین گنڈاپور عمران خان، بشریٰ بی بی سمیت دیگر رہنماؤں عمرایوب، وقاص اکرم، سلمان اکرم راجہ، مراد سعید، ذلفی بخاری، رؤف حسن، حماد اظہراوردیگرقیادت کو بھی نامزد اکیا گیا ہے ۔ مقد مہ سندھ رینجرز کے اہلکار کی مدعیت میں درج کیا گیا مقد مہ میں دہشت گردی کی دفعات شامل تھانہ رمنا پولیس نے میںعمران خان اوربشریٰ بی بی کیخلاف تہرے قتل کا مقدمہ کیا گیا۔مقدمے میں علی امین گنڈاپور، عمرایوب، وقاص اکرم، سلمان اکرم راجہ، مراد سعید، ذلفی بخاری، رؤف حسن، حماد اظہراوردیگرقیادت کو بھی نامزد کیا گیا ہے۔
مقد مہ کے مطابق مطابق لکھا گیا کہ رینجرزاہلکاروں کی شہادت کا وقوعہ عمران کان کی ایما اورحکم پرہوا اور تمام وقوعہ کا منصوبہ اڈیالہ جیل میں بنایا گیا، منصوبہ مختلف اوقات میں جیل میں ملاقات کیلئے جانے والی پی ٹی آئی کی اعلیٰ قیادت کے ذریعے بنایا گیا۔ مقدمہ میں کہا گیا ہے کہ اس منصوبے کے گواہان جیل کے کچھ قیدی، مشقتی اور جیل میں خفیہ پولیس کے ملازمین ہیں۔ایف آئی آر کے متن کے مطابق بشریٰ بی بی اوردیگر ملزمان نے ویڈیو پیغام کے ذریعے عوام کو مشتعل کیا، پی ٹی آئی کی قیادت نے عوام کوفوج اورحکومت کیخلاف بغاوت پراکسایا جس سے وقوعہ ہوا۔خیال رہے کہ گزشتہ دنوں اسلام آباد میں پاکستان تحریک انصاف کے احتجاج میں ڈیوٹی پرمامورایک نامعلوم ڈرائیورکی گاڑی نے 3 رینجرزاہلکاروں کو ٹکرماری تھی اور وہ شہید ہوگئے تھے .
