اوگرا نے مختلف گیس کمپنیوں سے مشاورت کے بعد گیس کی قیمت بڑھانے کے لئے حکومت کو منظوری بھیجوا دی

اسلام اآباد (نیوز رپورٹر ) بجلی کے بعدآب و فاقی حکومت کی ہدائت پر آئل اینڈ گیس ریگولیٹری اتھارٹی (اوگرا) نے رواں مالی سال کے لیے مختلف گیس کمپنیوں سے مشاورت کے بعد گیس کی قیمت بڑھانے کے لئے حکومت کو منظوری بھیجوا دی اوگرا کی جانب سے جاری اعلامیے کے مطابق سوئی ناردرن کے لیے گیس کی قیمت میں 8.71 فیصد جبکہ سوئی سدرن کےلیے گیس کی قیمت میں 25.78 فیصد اضافے کی منظوری دی گئی ہے۔اوگرا کے مطابق سوئی ناردرن کے لیے گیس کی اوسط قیمت 1778روپے 35 پیسے فی ایم ایم بی ٹی یو مقرر کرنے کی منظوری دی گئی۔دوسری جانب سوئی سدرن کے لیے گیس کی اوسط قیمت 1762 روپے 51 پیسے فی ایم ایم بی ٹی یو مقرر کرنے کی منظوری دے دی گئی ہے۔اوگرا کا کہنا ہے کہ گیس کی قیمتوں میں اضافے کا فیصلہ وفاقی حکومت کو بھیج دیا گیا ہے گیس کی قیمتوں میں اضافے کا حتمی فیصلہ وفاقی حکومت کی ایڈوائس کے بعد ہو گا۔ذرائع کا کہنا ہے کہ آئل اینڈ گیس ریگولیٹری اتھارٹی (اوگرا) افسران سے گیس کمپنیوں سے مشاورت ہوئی ہے جس کے بعد آب و فاقی حکومت کی ہدائت پر گیس کی کی قیمت میں اآضا فہ کردیا جائے گا ۔