اسلام آباد۔گورنر خیبرپختونخوا فیصل کریم کنڈی نے پاکستان کی خاتون اول، رکن قومی اسمبلی اور پولیو کے خاتمے کی سفیر آصفہ بھٹو زرداری سے ملاقات کی۔ ملاقات میں خیبرپختونخوا کے مسائل ، امن و امان کی صورتحال اور بالخصوص پولیو میں اضافے کے امور پر تبادلہ خیال کیا گیا ، ملاقات میں خیبرپختونخوا میں عوامی مسائل کے حل میں صوبائی حکومت کی عدم دلچسپی پر افسوس کا اظہار کیا گیا بالخصوص پولیو کے بڑھتے کیسز کی روک تھام کے لیئے گورنر ہاؤس کی زیر نگرانی جامع حکمت عملی طے کرنے کی تجاویز پر بھی غور وغوض کیا گیا، آصفہ بھٹو زرداری نے بی بی شہید کے وژن کے مطابق گورنر ہاؤس پشاور سے وویمن امپاورمنٹ ، یوتھ انگیجنٹ اور بین المذاہب و المسالک ہم آہنگی کے فروغ کے لیئے اقدامات اٹھانے پر گورنر فیصل کریم کنڈی کی کاوشوں کو سراہا
گورنر خیبر پختونخوافیصل کریم کنڈی کی آصفہ بھٹو سے ملاقات
