اسلام آباد۔ملک بھر کے بجلی صارفین کے لیے خوشخبری ہے کہ حکومت نے بجلی کے نرخوں میں 1 روپے 23 پیسے فی یونٹ تک کمی کا اعلان کیا ہے۔
جاری کردہ نوٹیفکیشن کے مطابق، سرکاری تقسیم کار کمپنیوں (ڈسکوز) کے صارفین کے لیے بجلی کی قیمت میں 1 روپے 22 پیسے فی یونٹ، جبکہ کے الیکٹرک کے صارفین کے لیے 1 روپے 23 پیسے فی یونٹ کمی کی گئی ہے۔
یہ کمی ماہانہ فیول پرائس ایڈجسٹمنٹ کی مد میں کی گئی ہے، جس کے تحت سرکاری ڈسکوز کے صارفین کو دسمبر کے ایف سی اے میں اور کے الیکٹرک صارفین کو نومبر کے ایف سی اے میں ریلیف دیا گیا ہے۔
نوٹیفکیشن کے مطابق، بجلی کے نرخوں میں یہ کمی فروری کے بلوں پر لاگو ہوگی۔
