چین اور امریکا کے درمیان پاکستان پل کا کردار ادا کر سکتا ہے، بلاول بھٹو

برلن۔ چیئرمین پیپلزپارٹی بلاول بھٹو زرداری نے کہا ہے کہ پاکستان ہمیشہ ممالک کو جوڑنے کے لئے پل کا کردار ادا کرتا ر ہا ہے ، چین اور امریکہ کے لئے بھی یہ کردار ادا کر سکتے ہیں ، ڈونلڈ ٹرمپ ڈیل میکر ہیں ان کےساتھ انگیج رہا جا سکتا ہے ۔ جرمن ٹی وی کو انٹرویو دیتے ہوئے انہوں نے کہا کہ بھارت کے ساتھ امن یا کم از کم تجارت یا انگیجمنٹ کی جاسکتی ہے۔انہوں نے کہا کہ پاکستان ہمیشہ سے ممالک کوجوڑنے کیلئے پل کا کردار ادا کرتا رہا ہے،کچھ ممالک امریکا چین مسابقتی صورتحال کافائدہ اٹھارہے ہیں مگر پاکستان، امریکا اور چین کے درمیان پل کا کردار ادا کرسکتا ہے۔ انہوں نے کہا کہ ٹرمپ ڈیل میکر ہیں پاکستان امریکی صدر سے انگیج ہوسکتاہے۔