اسلام آباد(سٹاف رپورٹر )ایسوسییشن آف بلڈرز اینڈ ڈیویلپر پاکستان (آباد) کے سابق چیئرمین اور ایم ایس ڈیویلپرز کے بانی محسن شیخانی نے کہا ہے کہ اسلام آباد میں صرف 36 لاکھ روپے قیمت رکھنے والے اپارٹمنٹس پیش کرنا میرے ایک درینہ خواب کی تکمیل ہے وہ پاکستان کے سب سے افورڈیبل اپارٹمنٹس ویہارا کےحوالے سے نیشنل پریس کلب میں ایک پر ہجوم میڈیا بریفنگ سے خطاب کر رہے تھے اس موقع پر سٹار مارکیٹنگ کے چیف ایگزیکٹو واثق نعیم، ممتاز سٹی کے چیف ایگزیکٹو عمیر ممتاز بٹ گندھارا سٹی کے چیف ایگزیکٹو راجہ ابراہیم طاہر ،مشہور انفلوئنسرز، ولاگرز، ریل اسٹیٹ اور میڈیا کی اہم شخصیات موجود تھیں محسن شیخانی نے کہا ہے کہ ویہارا میں اسٹوڈیو اپارٹمنٹس کے علاوہ ایک بیڈ اور دو بیڈ کے اپارٹمنٹس تیار ہوں گے ۔ ویہارا کے اپارٹمنٹس ٹاورز اسلام آباد کے انٹرنیشنل ایئرپورٹ کے قریب واقع بہترین رہائشی سکیموں ممتاز سٹی، اور گندھارا سٹی میں تعمیر کیے جا رہے ہیں انہوں نے کہا ہے کہ پاکستان میں ایک کروڑ سے زائد رہاشی یونٹس کی کمی ہے جسے پورا کرنے کے لیے ملک بھر میں کم قیمت رہائشی پراجیکٹس کی ضرورت ہے ویہارا ہماری طرف سے ان لوگوں کو کم قیمت رہائش فراہم کرنے کی کوشش ہے جو برسوں سے اپنی فیملی کے سر پر ایک چھت کا خواب دیکھتے آرہے ہیں.
محسن شیخانی نے اس موقع پر سٹوڈیو ایک بیڈ اور دو بیڈ اپارٹمنٹس کی تفصیلات سے اگاہ کرتے ہوئے ادائیگی کے آپشنز اور آسان قسطوں کی سہولت کے بارے میں بھی بتایا انہوں نے کہا کہ یہ اپارٹمنٹس کم قیمت ضرور ہیں مگر ان کا معیار اور دستیاب سہولتیں وہی ہیں جو اسلام آباد کے عمدہ اپارٹمنٹس میں ملتی ہیں ان اپارٹمنٹس میں خواتین کے لیے تربیتی میں مراکز سکل ڈیویلپمنٹ سینٹرز بےبی ڈے کیئرز مرکز بھی موجود ہوں گے محسن شیخانی نے کہا ہے کہ یہ اپارٹمنٹس( آباد) اور بارونق ممتاز سٹی اور گھندارا سٹی میں واقع ہیں جنہیں اسلام آباد ایئرپورٹ سے متصل ہونے کے باعث آئیڈیل لوکیشن قرار دیا جاتا ہے .
کیونکہ یہ میٹرو بس نیٹ ورک کے ذریعے اسلام آباد اور راولپنڈی سے براہ راست منسلک ہیں انہوں نے کہا ہے کہ میرا وژن یہ ہے کہ کم قیمت یونٹس کا یہ سلسلہ پاکستان کے تمام اہم شہروں میں شروع کیا جائے جہاں افورڈیبل رہائش کے سب سے زیادہ ضرورت مڈل کلاس کو ہے کم قیمت رہائشی یونٹس تیار کرنا اور پاکستان کے لوگوں کو پیش کرنا میرے برسوں پرانے خواب کی تکمیل ہے انہوں نے کہا ہے کہ ڈیویلپر کی حیثیت سے میں پورے یقین کے ساتھ کہہ سکتا ہوں کہ اس ملک نے ہمیں سب کچھ دیا ہے اب وقت آگیا ہے کہ ہم بھی اپنے ملک کو اپنے لوگوں کو کچھ دیں ویہارہ کے کم قیمت افورڈیبل اپارٹمنٹس ہماری طرف سے اس ملک کا قرض چکانے کی ایک معمولی سی کوشش ہے.
