اٹلی میں پاکستانیوں کے لیے نوکریوں میں سالانہ کوٹا مختص کیا جائے ،پاکستا ن کے شہریوں کے لیے کویت نے 19 سال بعد ویزوں پر عائد پابندی ختم مصطفیٰ ملک

اسلام آباد (سٹاف رپورٹر )اٹلی میں پاکستانیوں کے لیے نوکریوں میں سالانہ کوٹا مختص کیا جائے گا ،پاکستا ن کے شہریوں کے لیے کویت نے 19 سال بعد ویزوں پر عائد پابندی ختم کردی۔ ویزے آن لائن پلیٹ فارم کے ذریعے حاصل کیے جاسکتے ہیں مصطفیٰ ملک ۔فوکل پرسن وزارت اوورسیز پاکستانیز نے کہا کہ دنیا پاکستانی ہنرمندوں پر بند دروازے کھول رہی ہے، کویت حکومت نے پاکستانیوں کو ورک، فیملی، وزٹ، سیاحتی اور کمرشل ویزوں کا اجرا شروع کردیا ہے۔مصطفیٰ ملک نے بتایا کہ ویزوں کے اجرا سے ہزاروں افراد کو کویت میں روزگار، تجارت اور سیاحت کے مواقع ملیں گے، یہ تمام ویزے آن لائن پلیٹ فارم کے ذریعے حاصل کیے جاسکتے ہیں۔انہوں نے مزید بتایا کہ اٹلی میں پاکستانیوں کے لیے نوکریوں میں سالانہ کوٹا مختص کیا جائے گا، اٹلی کے ساتھ بھی ایم او یو پر دستخط ہوچکے ہیں جب کہ عرب ممالک بھی پاکستان سے ہنرمند افراد کو روزگار دینے کے خواں ہیں۔