اسلام آباد(سپیشل رپورٹر) ڈائریکٹر جنرل فیڈرل گورنمنٹ ایمپلائز ہاؤسنگ اتھارٹی (FGEHA) کا سخت اقدام ڈائریکٹر جنرل فیڈرل گورنمنٹ ایمپلائز ہاؤسنگ اتھارٹی (FGEHA) کیپٹن ریٹائرڈ ظفر اقبال نے سیکٹر G-14/1 میں 26 تعمیر شدہ جائیدادوں کے BUP معاوضے کے ایوارڈ سے متعلق پچھلے دنوں کے اخبارات میں شائع ہونے والی خبروں کے تناظر میں ہاؤسنگ اتھارٹی کے چار سینیئر افسران پر مشتمل ایک فیکٹ فائنڈنگ کمیٹی تشکیل دی ہے۔اس کمیٹی کا مقصد مذکورہ معاملے کی جامع اور شفاف تحقیقات کرنا ہے تاکہ کسی بھی قسم کی بے ضابطگی، غلط BUP ایوارڈ یا قانون سے انحراف کی نشاندہی کی جا سکے۔کمیٹی کے ارکان درج ذیل ہیں:
1. فیض عمر سیال، ڈائریکٹر ایڈمن،
2. عاصم عامر، ڈائریکٹر آئی ٹی،
3. صاحبزادہ قاسم نور، ڈپٹی ڈائریکٹر فنانس،
4. حارث فواد، اسسٹنٹ ڈائریکٹر GIS، FGEHA.
کمیٹی کی ذمہ داریاں (TORs) ان نکات پر مشتمل ہے 1. جزوی BUP ایوارڈ کا جائزہ لے کر کسی بھی قسم کی بےضابطگی، تضاد یا غلطی کی نشاندہی کرنا ، 02 جی ای ایس (GIS)ٹیکنالوجی کی مدد سے تعمیر شدہ جائیدادوں (BUPs ) کی تفصیلات کی جانچ پڑتال کرنا، 3. یہ معلوم کرنا کہ کیا اس کا مقصد واقعی پرانے اور اصل متاثرین کو معاوضہ دینا تھا یا غیر قانونی تعمیرات/مکانات کو خلاف قانون فائدہ پہنچایا گیا، کمیٹی کو ڈائریکٹر جنرل ہاؤسنگ اتھارٹی نے ہدایت کی ہے کہ وہ 7 دن کے اندر اندر اپنی تحقیقاتی رپورٹ جمع کروائے اور ذمہ داری کا تعین کرے۔
ڈائریکٹر جنرل ہاؤسنگ اتھارٹی نے ہدایت کی ہے کہ افسران سے لے کر چھوٹے ملازم تک کوئی بھی ملوث پایا گیا ان کے خلاف قانون کے مطابق سخت کروائی ہوگی کسی ملوث ملازم و افسران کو سپیئر نہیں کیا جائے گا ،ڈائریکٹر جنرل ہاؤسنگ اتھارٹی کی ہدایت کے مطابق ہاؤسنگ اتھارٹی یہ یقین دلاتی ہے کہ جو قانون کے مطابق اصل مالکان ہیں انہی کو معاوضہ دیا جائے گا کسی کی حق تلفی نہیں کی جائے گی ۔جس کسی نے بھی متاثرین کا حق تلف کرنے کی کوشش کی ہے ڈائریکٹر جنرل ہاؤسنگ اتھارٹی کی ہدایت کے مطابق انکوائری کمیٹی اس کو دیکھے گی ۔اور اس کمیٹی کی رپورٹ کے مطابق ملوث ملازمین و افسران کے خلاف قانونی کاروائی عمل میں لائی جائے گی ، یہ اقدام FGEHA کی شفافیت، احتساب اور قانونی ضوابط پر عمل درآمد کو یقینی بنانے کی سنجیدہ کاوش کا حصہ ہے۔
