اسلام آباد (سپیشل رپورٹر )وزارت امور کشمیر کے افسران کی مبینہ ملی بھگت سے جہلم میں کشمیری پناگزینوں کے لیے مختص پلاٹوں کی غیر الاٹمنٹ اور ریکارڈ میں میں رد و بدل کے معاملات میں ملوث با اثر تحصیل دار ملزم ند یم برتھ و فاقی وزیر ، اور صوبائی وزیر کا قریبی عزیز نکلا ، ایف آئی اے نے ملزم کے وارنٹ گر فتاری لے کر چھاپے مارنا شروع کر دیئے ملزم نے صوبائی وزیر پنجاب کے گھر چھپ گیا۔ ایف ائی اے کے مقدمہ میں گرفتار ملزمان نے انکشاف کیا ہے کہ رجسٹریاں سب رجسٹرار ندیم برتھ نے کیں جو حکومتی وزرا کا قریبی عزیز ہے ،ایف آئی اے اینٹی کرپشن سرکل اسلام آباد نے 3 افسران کو گرفتار کر لیا تھا ملزمان نے انکشاف کیا کہ محکمہ مال پنجاب کے ملوث افسران جن میں ایک تحصیل دار ندیم برتھ جو کہ حکومتی وزرا کا قریبی عزیز ہے حکومتی وزرا کا قریبی عزیز ہونے کی وجہ سے ایف آئی اے نے اس کی گر فتاری کے لئے وارنٹ گر فتاری لے کر کاروائی شروع کر دی ہے.
ایف آئی اے اینٹی کرپشن کے مقد مہ نمبر 17ََِ میں یہ بات سامنے آئی ہے کہ کشمیری پناہ گزینوں کو راٹھیاں کالونی، جہلم میں وزارت برائے کشمیر و گلگت بلتستان امور کی طرف سے الاٹمنٹ کی گئی تھی۔مذکورہ الاٹمنٹ ابتدائی الاٹمنٹ ڈیڈ کے مطابق صرف کشمیری مہاجرین کے لیے تھیں۔ وزارت امور کشمیر و گلگت بلتستان کی تصدیق کے مطابق یہ بھی سامنے آیا ہے کہ مذکورہ پلاٹوں کی منتقلی/رجسٹریشن کے لیے مجاز فورم وفاقی حکومت سے منظوری نہیں لی گئی تھی۔اس کے علاوہ غیر جموں و کشمیر پناہ گزینوں کے حق میں سب رجسٹرار، دینہ، ضلع جہلم کے دفتر کے ذریعے غیر قانونی رجسٹریاں کی گئیں اور تمام کارروائی ٹرانسفر ڈیڈز کی غیر قانونی رجسٹریشن کے ذریعے کی گئی۔انکوائری مکمل ہونے پر وزارت امور کشمیر و گلگت بلتستان افسران ناصر حیات اسسٹنٹ ایڈمنسٹریٹو آفیسر2 اور مقصود احمد اسسٹنٹ ایڈمنسٹریٹو آفیسر 3سمیت جہلم پنجاب کے اس وقت کے آفیسر ریونیو آفیسر و تحصیل دار ندیم برتھ ، اسوقت کے تحصیل دار شیخ جمیل وغیرہ کے خلاف مقدمہ درج کرلیا تھا ایف آئی اے نے وزارت امور کشمیر و گلگت بلتستان کے تین افسران ایڈمنسڑیٹیو آفیسر2 ناصر حیات، ایڈمنسڑیٹو آفیسر3 مقصود احمد اور اسسٹنٹ اکاؤنٹ آفیسر عبداللّٰہ خان کو گرفتار کر تھا دوران تفتیش ملزمان نے انکشاف کیا ہے کہ رجسٹریاں سب رجسٹرار ندیم برتھ نے کیں جو حکومتی وزرا کا قریبی عزیز ہے ، جس پر ایف آئی اے نے ندیم برتھ کی گر فتاری کے لئے ورانٹ گر فتاری لے کر کاروائی شروع کر دی ہے ۔
