اسلام آباد (سٹاف رپورٹر )فیڈرل گورنمنٹ ایمپلائز ہاؤسنگ اتھارٹی (FGEHA) کے سال 2025 کے یونین انتخابات بروز منگل، نہایت منظم، شفاف اور پرامن ماحول میں منعقد ہوئے۔ الیکشن میں ادارے کے ملازمین نے بھرپور شرکت کی اور اپنے حق رائے دہی کا استعمال کرتے ہوئے اپنی نمائندگی کا انتخاب کیا۔
اس سال انتخابات میں دو مرکزی یونینز — شاہین یونین اور اتحاد یونین — کے درمیان سخت مقابلہ ہوا۔ ووٹوں کی گنتی مکمل ہونے کے بعد شاہین یونین نے 240 ووٹوں کی واضح برتری کے ساتھ شاندار کامیابی حاصل کی. کامیابی کے بعد شاہین یونین کی قیادت نے تمام ووٹرز، الیکشن کمیٹی، اور FGEHA انتظامیہ کا شکریہ ادا کرتے ہوئے وعدہ کیا کہ وہ ملازمین کے حقوق، سہولیات اور فلاح کے لیے بھرپور جدوجہد جاری رکھیں گے۔
یہ انتخابات نہ صرف ادارے کی جمہوری روایت کی عکاسی کرتے ہیں بلکہ ملازمین کے اتحاد، شعور اور ذمہ داری کا عملی مظاہرہ بھی ہیں۔
