اسلام آباد (سٹاف رپورٹر )وفاقی وزیر ریلوے محمد حنیف عباسی کی زیرِ صدارت پاکستان ریلوے کا اعلیٰ سطحی اجلاس منعقد ہوا۔ اجلاس میں ریلوے کے مستقبل کے اہداف، مون سون سیزن کے دوران حفاظتی حکمت عملی، صفائی مہم، اور بغیر ٹکٹ سفر کے خلاف سخت اقدامات پر تفصیلی گفتگو کی گئی محمد حنیف عباسی نے افسران سے خطاب کرتے ہوئے کہا:“پاکستان ریلویز میں دیانت، محنت اور قومی جذبے کے ساتھ فرائض کی ادائیگی وقت کی اہم ضرورت ہے پاکستان ریلوے کو ایک جدید، فعال اور عوام دوست ادارہ بنانے کے لیے مربوط اور نتیجہ خیز کوششیں ناگزیر ہیں وفاقی وزیر نے مون سون کے خطرات کے پیش نظر تمام ڈویژنز کو فوری ہدایات جاری کیں کہ ریلوے پلوں، پٹریوں اور دیگر انفراسٹرکچر کا بروقت اور باقاعدہ معائنہ کیا جائے تاکہ کسی ممکنہ حادثے سے بچاؤ ممکن ہو کسی بھی ممکنہ حادثے سے بچاؤ کے لیے پیشگی حفاظتی اقدامات یقینی بنائے جائیں، کیونکہ مسافروں اور عملے کی جان و مال کا تحفظ ہمارا اولین قومی فریضہ ہے۔
مزید برآں، اجلاس میں بغیر ٹکٹ سفر کے خلاف سخت مہم شروع کرنے کا فیصلہ کیا گیا۔ وفاقی وزیر نے واضح الفاظ میں اعلان کیا کہ بغیر ٹکٹ سفر کرنے اور کرانے والے دونوں جیل جائیں گے۔ قانون کی مکمل عمل داری یقینی بنائی جائے گی اجلاس میں “ساتھ سُتھرا پنجاب” مہم کے تحت ریلوے اسٹیشنز کی تزئین و آرائش اور صفائی کے اقدامات پر اطمینان کا اظہار کیا گیا۔ بتایا گیا کہ پنجاب بھر کے ریلوے اسٹیشنز پر جدید صفائی نظام، ویسٹ مینجمنٹ اور صفائی کا تسلسل یقینی بنایا جا رہا ہے وفاقی وزیر نے مسافروں سے بھی اپیل کی کہ وہ ریلوے کو صاف، محفوظ اور ذمہ دار ادارہ بنانے میں بھرپور تعاون کریں ریلوے ہمارا قومی اثاثہ ہے، اس کی حفاظت ہم سب کی مشترکہ ذمہ داری ہے۔
