شیخوپورہ (سٹاف رپورٹر )وفاقی وزیر قومی غذائی تحفظ و تحقیق رانا تنویر حسین نے ڈپٹی کمشنرشیخوپورہ شاہد عمران مارتھ کے ہمراہ متاثرہ سیلابی علاقوں کا دورہ کیا۔ ممبر قومی اسمبلی رانا تنویر حسین نے فیض پور کلاں ، نانو ڈوگراں ، بھولے شاہ و دیگر دیہاتوں میں سیلابی صورتحال کا معائنہ کیا ۔منسٹر نیشنل فوڈ سکیورٹی ممبر قومی اسمبلی رانا تنویر حسین نے فلڈ ریلیف کیمپس کا بھی معائنہ کیا ۔
ڈپٹی کمشنر نے رانا تنویر حسین کو بریفنگ دیتے ہوئے کہاکہ دریائے راوی میں پانی کے بہاؤ پر لمحہ بہ لمحہ نظر ہے ، تمام محکمے الرٹ ہیں کسی بھی ہنگامی صورتحال پر فوری ریسپانس کررہے ہیں ۔ سیلاب متاثرین کے جان و مال کے تحفظ کیلئے افسران و عملہ متحرک ہے ۔
ممبر قومی اسمبلی رانا تنویر حسین نے مقامی نمائندوں اور سیلاب متاثرین سے ملاقات بھی کی ۔منسٹر نیشنل فوڈ سیکیورٹی ممبر قومی اسمبلی رانا تنویر حسین نے سیلاب متاثرین میں کھانا بھی تقسیم کیا ۔ایڈیشنل ڈپٹی کمشنر جنرل نعمان علی ڈوگر ، اسسٹنٹ کمشنر ، ریسکیو 1122 ، سول ڈیفنس سمیت دیگر افسران بھی اس موقع پر موجود تھے۔
حکومت پاکستان اور پنجاب حکومت سیلاب سے متاثرین کی جان و مال کے تحفظ کیلئے دن رات کوشاں ہے۔ ممبر قومی اسمبلی سیلاب متاثرین کو فلڈ ریلیف کیمپس میں رہائش ، خوراک ، پانی و دیگر سہولیات کی فراہمی کو بروقت یقینی بنایا جائے ۔
