ملک کے 99 مخصوص اضلاع میں مرحلہ وار پولیو مہم کا آغاز،2 کروڑ 80 لاکھ بچوں کو قطرے پلائے جائیں گے،حکام

اسلام آباد (سٹاف رپورٹر )ملک کے 99 مخصوص اضلاع میں مرحلہ وار پولیو مہم کا آغاز کردیا گیا، 2 کروڑ 80 لاکھ سے زائد بچوں کو پولیو سے بچاؤ کے قطرے پلائے جائیں گے۔نیشنل ایمرجنسی آپریشنز سینٹر کے حکام کے مطابق پولیو مہم کے دوران 2 لاکھ 40 ہزار سے زائد پولیو ورکرز ذمہ داریاں سرانجام دیں گے۔پنجاب کے 7 مخصوص اضلاع میں 41 لاکھ سے زائد بچوں کو پولیو سے بچاؤ کے قطرے پلائے جائیں گے جبکہ 9 اضلاع میں سیلاب کے پیشِ نظر پولیو مہم موخر کر دی گئی ہے،سندھ کے 25 مخصوص اضلاع میں 89 لاکھ سے زائد بچوں کو پولیو سے بچاؤ کے قطرے پلائے جائیں گے، بلوچستان کے 26 مخصوص اضلاع میں 21 لاکھ سے زائد بچوں کی ویکسینیشن یقینی بنائی جائے گی۔ ا س کے علاوہ خیبرپختونخوا کے 27 مخصوص اضلاع میں 57 لاکھ سے زائد بچوں تک ویکسین کی رسائی کو یقینی بنایا جائے گا،جنوبی خیبرپختونخوا میں پولیو مہم کا باقاعدہ آغاز 15 ستمبر سے ہوگا،آزاد جموں و کشمیر اور گلگت بلتستان کے 2-2 اضلاع میں بچوں کو پولیو ویکسین دی جائے گی جبکہ اسلام آباد میں 4 لاکھ 50 ہزار سے زائد بچوں کو ویکسین پلائی جائے گی۔انہوں نے والدین سے اپیل ہے کہ پولیو ٹیم کے ساتھ تعاون کریں اور پانچ سال سے کم عمر تمام بچوں کو پولیو سے بچاؤ کے قطرے لازمی پلوائیں،یہ آپ کے بچوں کو عمر بھر کی معذوری سے محفوظ رکھتے ہیں۔