اسلام آباد (سٹاف رپورٹر )وفاقی وزیر اطلاعات عطاء اللہ تارڑ نے سینئر فوٹو جرنلسٹ جہانگیر چوہدری کے چھوٹے بھائی کے انتقال پر افسوس کا اظہار کرتے ہوئےلواحقین سے دلی تعزیت اور ہمدردی کا اظہار کیا ہے۔
وزیراطلاعات عطاللہ تارڑ نے اپنے تعزیتی پیغام میں کہا ہے کہ جہانگیر چوہدری کے بھائی کے انتقال کی خبر سن کر دلی افسوس ہوا۔بھائی کا بچھڑ جانا ناقابل تلافی صدمہ ہے۔دکھ کی اس گھڑی میں جہانگیر چوہدری اور اہل خانہ کے غم میں برابر کے شریک ہیں۔
انہوں نے دُعا کی ہے کہ اللہ تعالیٰ مرحوم کو جوار رحمت میں اعلیٰ مقام اور لواحقین کو صبر جمیل عطا فرمائے
