اسلام آباد (سٹاف رپورٹر )سیلاب متاثرہ علاقوں میں بجلی کی بحالی کا کام تیزی سے جاری ہے، اب تک مجموعی طور پر 51 گرڈ اور 538 فیڈرز متاثر ہوئے، 301 فیڈر مکمل اور 232 جزوی طور پر بحال کر کے 17 لاکھ 55 ہزار 6 سو 50 متاثرہ صارفین میں سے 14 لاکھ 53 ہزار 5 سو 72 صارفین کیلئے بجلی بحال کر دی گئی ہے، باقی 302078 متاثرہ صارفین کیلئے بجلی کی بحالی اولین ترجیح ہے۔
سیلاب متاثرہ علاقوں میں بجلی کی بحالی پر پاور ڈویژن کی 12 ستمبر تک کی رپورٹ کے مطابق فیسکو کے زیرِ انتظام علاقوں ٹی ٹی سنگھ، فیصل آباد ، چنیوٹ، جھنگ، سرگودھا، میانوالی اور ڈی آئی خان کے 28 گرڈ اور 81 فیڈرز متاثر ہوئے، متاثرہ فیڈرز میں 30 مکمل اور 50 جزوی طور پر بحال کر کے 202436 متاثرہ صارفین میں سے 116350 صارفین کیلئے بجلی بحال کر دی گئی ہے، باقی 86086 متاثرہ صارفین کیلئے بجلی کی بحالی کا کام پانی اترنے پر 14 ستمبر تک مکمل کرنے کی توقع ہے ، لیسکو میں لاہور، اوکاڑہ، شيخوپورہ، قصور اور ننکانہ کے 67 متاثرہ فیڈرز میں سے 62 مکمل اور 5 جزوی طور پر بحال کر کے 73734 متاثرہ صارفین میں سے 67578 صارفین کیلئے بجلی بحال کر دی گئی ہے، باقی 6156 متاثرہ صارفین کیلئے بجلی کی بحالی کا کام 12 ستمبر تک مکمل کرنے کی توقع ہے، لیسکو کے زیرِ انتظام علاقے لاہور، ننکانہ اور شیخوپورہ میں بجلی کی بحالی کا کام مکمل کر لیا گیا ہے۔
میپکو کے زیرِ انتظام علاقوں کے 175 متاثرہ فیڈرز میں سے 6 مکمل اور 165 جزوی طور پر بحال کر کے میپکو کے زیرِ انتظام علاقوں میں 224679 متاثرہ صارفین میں سے 19305 صارفین کیلئے بجلی بحال کر دی گئی ہے۔میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا۔
گیپکوکے کے 11 گرڈز اور 103 متاثرہ فیڈرز میں سے 96 فیڈرز مکمل اور 7 جزوی طور پر بحال کر کے 735987 متاثرہ صارفین میں سے 734649 صارفین کیلئے بجلی بحال کر دی گئی ہے، باقی 1338 متاثرہ صارفین کیلئے بجلی بحالی کا کام سیلاب کا پانی اترنے پر مکمل کر لیا جائے گا۔ پیسکو کے علاقے سوات، بنر، شانگلہ، صوابی اور ڈی آئی خان کے 12 گرڈز اور 91 فیڈرز متاثر ہوئے، 87 فیڈرز مکمل اور 4 جزوی طور پر بحال کر کے پیسکو کے 463375 متاثرہ صارفین میں سے 461247 صارفین کیلئے بجلی بحال کر دی گئی ہے،
باقی 2128 متاثرہ صارفین کیلئے بجلی کی بحالی کا کام 12 ستمبر تک مکمل کرنے کی توقع ہے، پیسکو کے زیرِ انتظام علاقے سوات، صوابی اور ڈی آئی خان میں بجلی کی بحالی کا کام مکمل ہو چکا ہے۔ ٹیسکو کے علاقے شمالی وزیرستان اور خیبر کے 18 فیڈرز متاثر ہوئے، 17 فیڈر مکمل اور ایک فیڈر جزوی طور پر بحال کر کے 31774 متاثرہ صارفین میں سے 30778 صارفین کیلئے بجلی بحال کر دی گئی ہے، باقی 996 متاثرہ صارفین کیلئے بجلی کی بحالی کا کام تقریباََ 15 ستمبر شام 5 بجے تک مکمل ہونے کی توقع ہے۔ ہیزیکو کے زیرِ انتظام علاقے مانسہرہ کے 3 متاثرہ فیڈر مکمل طور پر بحال کر دیا گیا ہے۔
