اسلام آباد (سٹاف رپورٹر )وفاقی وزیر ریلوے محمد حنیف عباسی نے بلوچستان میں دہشت گردوں کے حملے کے دوران کیپٹن وقار احمد سمیت 5 سیکیورٹی اہلکاروں کی شہادت پر گہرے دکھ اور افسوس کا اظہار کرتے ہوئے شہداء کو خراجِ عقیدت پیش کیا ہے۔
وفاقی وزیر نے اپنے بیان میں کہا کہ”شہداء نے وطنِ عزیز کے دفاع میں اپنی جانوں کا نذرانہ پیش کر کے جرأت اور بہادری کی نئی تاریخ رقم کی ہے محمد حنیف عباسی نے کہا کہ سیکیورٹی فورسز نے کلیئرنس آپریشن کے دوران فتنۂ الہندستان سے تعلق رکھنے والے 5 دہشت گردوں کو جہنم واصل کیا، جو اس بات کا ثبوت ہے کہ پاکستان کی فورسز مکمل طور پر مستعد اور باہمت ہیں۔
انہوں نے کہا “فورسز کی بہادری اور قربانیوں پر پوری قوم کو فخر ہے۔ شہداء کی قربانیاں رائیگاں نہیں جائیں گی وزیر ریلوے نے شہداء کے اہلِ خانہ سے دلی ہمدردی اور تعزیت کا اظہار کرتے ہوئے کہا کہ پوری قوم اس دکھ کی گھڑی میں ان کے ساتھ کھڑی ہے۔
