اسلام آباد (سٹاف رپورٹر )وزیر ریلوے محمد حنیف عباسی کی زیر صدارت آج ایک اہم اجلاس منعقد ہوا، جس میں ریلوے کو گزشتہ 8 ماہ کے دوران بجلی کی مد میں اربوں روپے کی بچت سے آگاہ کیا گیا اجلاس کو بریفنگ دی گئی کہ ریلوے میں جدید اقدامات، میٹرائزیشن اور سولرائزیشن کے باعث نمایاں بچت ممکن ہوئی، جبکہ بجلی چوری کی مؤثر روک تھام سے ادارے کو شاندار کامیابیاں حاصل ہوئیں۔
اعداد و شمار کے مطابق:• لاہور ریلوے ڈویژن میں 416.6 ملین روپے کی ریکارڈ بچت • لاہور ورکشاپ مغلپورہ میں 243 ملین روپے کی بچت • راولپنڈی ڈویژن میں 75 ملین روپے• کوئٹہ ڈویژن میں 38 ملین روپے• کراچی ڈویژن میں 26 ملین روپے• سکھر ڈویژن میں 60 ملین روپے• ملتان ڈویژن میں 9.6 ملین روپے• پشاور ڈویژن میں 6.46 ملین روپے کی بچت ریکارڈ کی گئی.
وزیر ریلوے محمد حنیف عباسی نے اجلاس سے خطاب کرتے ہوئے واضح کیا کہ بجلی چوری کے خلاف زیرو ٹالرینس پالیسی اپنائی گئی ہے۔
انہوں نے کہا: “جو بجلی چوری کرے گا، سیدھا جیل جائے گا وزیر ریلوے نے مزید کہا کہ جدید اصلاحات سے ادارے کے اخراجات میں کمی اور شفافیت میں اضافہ ہوا ہے، اور ریلوے کو پہلے سے زیادہ مستحکم اور عوام دوست ادارہ بنایا جا رہا ہے.
