اسلام آباد (سٹاف رپورٹر)تین روزہ بلوچستان گرینڈ ٹورازم فیسٹیول آج سے لوک ورثہ اسلام آباد میں شروع ہوگا، فیسٹیول کا افتتاح بلوچستان کے وزیر اعلیٰ میر سرفراز بگٹی کرینگے، تین روزہ گرینڈ ٹورازم فیسٹیول میں بلوچستان کی ثقافت کو دنیا کے سامنے پیش کیا جائیگا، اس بات کا اعلان وزارت سیاحت کے پارلیمانی سیکرٹری نوابزادہ میر محمد زرین خان مگسی نے سیکرٹری سیاحت بلوچستان سہیل الرحمان و دیگر کے ہمراہ نیشنل پریس کلب اسلام آباد میں پریس کانفرنس کرتے ہوئے کیا، انکا مزید کہنا تھا کہ تاریخ میں پہلی بار وزارت سیاحت و ثقافت ،پی ٹی ڈی سی ، لوک ورثہ کے اشتراک سے بلوچستان کی تقافت کو فروغ دینے اور اسے دنیا کے سامنے پیش کرنے کیلئے تین روزہ بلوچستان گرینڈ ٹورازم فیسٹیول کروایا جا رہا ہے.
انکا مزید کہنا تھا کہ چقافت کے لحاظ سے بلوچستان بہت زرخیز علاقہ ہے،فیسٹیول میں لوک فنکار اپنے فن کا مظاہرہ کرینگے جبکہ ڈرامہ آرٹسٹ تھیٹر کے زریعے اپنی چقافت کو پیش کرینگے،جبکہ فیسٹیول میں بلوچستان کا ارٹ ورک بھی ڈسپلے کیا جائیگا ، جبکہ نامور شخصیات اس حوالے سے پینل ڈسکشن بھی کرینگی، انکا مزید کہنا تھا کہ اسلام آباد کے بعد کراچی سمیت دیگر شہروں میں بھی فیسٹیول کروائے جائینگے، لوگ فیسٹیول سے بھرپور لطف اندوز ہونگے، انہوں نے مزید بتایا کہ حکومت کا کام پالیسی بنایا اور سہولیات فراہم کرنا ہے، ہماری کوشش ہے کہ بلوچستان کا روشن اور مثبت چہرہ دنیا کو دکھائیں، سیکرٹری سیاحت بلوچستان سہیل الرحمان نے کہا کہ یہ 39 واں پروگرام ہے جو وہ اپنے بجٹ کے اندر رہتے ہوئے منعقد کروا رہے ہیں، وفاق اور صوبہ ملکر منصوبے بنائیں گے تو کافی سارے مسائل خود بخود حل ہوتے چلے جائینگے۔
