راولپنڈی(کرائم رپورٹر )پولیس کے 5500 سے زائد افسران فرائض سرانجام دیں گے، مڈ نائٹ سروس پر 2400 سے زائد پولیس افسران ڈیوٹی سرانجام دینگے، کرسمس ڈے پر 2500 سے زائد افسران و ملازمان تعینات کیے گئے ہیں، ٹریفک کی روانی کو برقرار رکھنے کے لیے 600 سے زائد ٹریفک پولیس کے افسران تعینات کیے گئے ہیں، شہر بھرکے 25 اہم مقامات پر خصوصی پکٹس بھی لگائی جائیں گی، پبلک مقامات،پارکس ہائے اور مسیحی برادری کے قبرستان پر پولیس افسران تعینات کیے گئے ہیں، ایلیٹ کمانڈوز،ڈولفن فورس اور تھانوں کی موبائلز کی خصوصی ٹیمیں علاقہ میں گشت کے فرائض سرانجام دیں گی.
گرجا گھروں میں آنے والے شہریوں کو مکمل باڈی سرچنگ کے بعد داخلے کی اجازت دی جائے گی، تمام فیلڈ افسران ڈیوٹی پر مامور افسران کو چیک اور بریف کریں گے، مسیحی برادری کے تہوار کے موقع پر فول پروف سیکورٹی کو یقینی بنانے کے لیے تمام وسائل بروئے کار لائے جا رہے ہیں، سی پی او سید خالد ہمدانی.
