راولپنڈی(کرائم رپورٹر)) تھانہ گوجر خان نے نیو میٹرو سٹی گوجر خان ہاؤسنگ سوسائٹی میں فائرنگ کر کے شہری عبدالرحمن کو قتل کرنے والے 3 ملزمان عرفان عرف بھولا ، ناصر ، طلحہ ، کو گرفتار کر لیا تفصیلات کے مطابق ملزمان نے ایک ہفتہ قبل نیو میٹرو سٹی گوجر خان میں ایک تقریب میں فائرنگ کر کے شہری کو قتل کر دیا تھا واقع پر سی پی او سید خالد حمدانی نے نوٹس لیتے ہوئے ملزمان کی گرفتاری کا حکم دیا، ایس پی صدر محمد نبیل کھوکھر نے کہا کہ ملزمان کے ساتھیوں کو بھی گرفتار کر کے قانون کے کٹہرے میں کھڑا کیا جائے گا ملزمان کو ٹھوس شواہد کے ساتھ چالان کر کے قرار واقعی سزا دلوائی جائے گی ، شہریوں کی جان سے کھیلنے والے ملزمان قانون کی گرفت سے نہیں بچ سکتے .
