چکوال(نیوز رپورٹر)چیئرمین فرینڈز آف چکوال اور برمنگھم میں مقیم پاکستانی کمیونٹی کی کاروباری،سماجی و انسان دوست شخصیت چوہدری اظہر محمود چکرال نے سالانہ افطار ڈنر کا اہتمام کیا،جس میں پاکستانی کمیونٹی سے تعلق رکھنے والے 300 سے زائد افراد سمیت برمنگھم کی اہم سرکاری شخصیات کو بھی خصوصی طور پر افطار ڈنر میں مدعو کیا گیا،جن میں خالد محمود ایم پی،ڈپٹی پولیس کمشنر ویسٹ مڈ لینڈ وسیم خان،قونصلر عامرخان،قونصلر ثاقب خان،محمد بشارت،محمد ادریس،قونصلر محمد ارشد،چوہدری عارف اقبال آف تھنیل فتوحی،ملک فتح خان لیٹی،چوہدری ذیشان جیلانی آف تھنیل فتوحی،چوہدری جنید رضا آف تھنیل فتوحی،ملک رضوان ربال،مرزا خالد کوٹ اقبال،محمد رزاق پڑھال،قمر سدوال،خالد محمود تھوہا بہادر،سید سبط الحسن گیلانی چوہان،سبط حسین منگن.
چوہدری رافع ڈورے،خواجہ مدثرڈھڈیال،چوہدری شمائم،چوہدری شباب علی ڈھڈیال،ڈاکٹر عبدالرحمن ڈھڈیال،ڈاکٹر عامر،ڈاکٹر ثاقب،ڈاکٹر ذیشان،ممبران پارلیمنٹ،سیاسی و سماجی شخصیات،بزنس مین اور دیگر مکاتب فکر سے تعلق رکھنے والی شخصیات شامل تھیں،شرکاء نے چوہدری اظہر محمود چکرال کے جذبہ ایمانی کو سراہا اور انہیں خراج تحسین پیش کیا،اس موقع پر بات چیت کرتے ہوئے چوہدری عارف اقبال،ملک فتح خان اور دیگر شرکاء نے کہا کہ چیئرمین فرینڈز آف چکوال چوہدری اظہر محمود چکرال روایات کے امین ہیں اور ہر سال پاکستانی کمیونٹی خصوصاً چکوالینز کے مل بیٹھنے کیلئے افطار ڈنر کا اہتمام کرتے ہیں جو لائقِ تحسین ہے،چوہدری اظہر محمود چکرال نے اس موقع پر بات چیت کرتے ہوئے کہا کہ بلاشبہ رمضان المبارک جس کی زندگی میں آجائے وہ مسلمان خوش قسمت انسانوں میں تصور ہوتا ہے.
اللہ اس ماہ میں مسلمانوں کے رزق میں اضافہ کرتا ہے،مسلمانوں کو اس مہینہ میں زیادہ سے زیادہ رحمتیں سمیٹنی چاہئیں،قبل ازیں چوہدری اظہر محمود چکرال نے افطار ڈنر میں شرکت کیلئے آنے والے افراد کا اپنے بھائی چوہدری گل محمد چکرال،صاحبزادوں چوہدری شہر یار چکرال اور چوہدری شہباز چکرال کے ہمراہ استقبال کیا اور ماہ رمضان کے حوالے سے مبارکباد دی،واضح رہے کہ چوہدری اظہر محمود چکرال گزشتہ کئی سالوں سے برمنگھم میں پاکستانی کمیونٹی سے تعلق رکھنے والے افراد کے اعزاز میں افطار ڈنر کا پرتکلف اہتمام کرتے ہیں،وہ سماجی سرگرمیوں کے علاوہ خلق خدا کی خدمت میں بھی پیش پیش رہتے ہیں۔
