راولپنڈی(نیوز رپورٹر)آر ڈی اے کا الحرم سٹی ، پارک زمین ٹاؤن ، یونیورسٹی ہومز، کے خلاف آپریشن آر ڈی اے انفورسمنٹ سکواڈ نے الحرم سٹی فیز 1 پارٹ 2 ، پارک زمین ٹاؤن، یونیورسٹی ہومز اور لینڈ سب ڈویژن (ظہیر بنگیال) کے سائٹ دفاتر ، روڈ انفراسٹرکچر ، بجلی کے کھمبے ، سٹرک کی باڑ ، گرلز ، کرب سٹون ، کنٹینرز ، فٹ پاتھ ، سائیڈ ڈرین ، کو مسمار و سربہمر کردیا۔کریک ڈاؤن کی نگرانی ڈائریکٹر جنرل کنزہ مرتضیٰ نے کی، جنہوں نے دھوکہ دہی کے طریقوں سے نمٹنے اور شہریوں کو استحصال سے بچانے کے لیے اس طرح کی کارروائیاں جاری رکھنے کی ضرورت پر زور دیا۔ ڈی جی آر ڈی اے نے کہا کہ کمشنر راولپنڈی کی رہنمائی میں ہم غیر قانونی ہاؤسنگ سوسائٹیوں کے خاتمے کے لیے مضبوط انداز اپنانے کے لیے پرعزم ہیں۔ انہوں نے زور دے کر کہا کہ ہاؤسنگ سکیم مالکان کی جانب سے زمینوں پر ناجائز قبضوں سے متعلق عوامی شکایات کو سنجیدگی سے لیا جا رہا ہے اور زمینوں پر زبردستی قبضے میں ملوث افراد کے خلاف سخت کارروائی کی جائے گی، ڈویژنل انٹیلی جنس کمیٹی کی ہدایات پر عمل کرتے ہوئے راولپنڈی ڈویلپمنٹ اتھارٹی ٹاسک فورس نے غیر قانونی ہاؤسنگ سکیموں کے خلاف کارروائیاں تیز کر دی ہیں.
ڈائریکٹر جنرل کنزہ مرتضیٰ نے کہا کہ غیر قانونی اشتہارات، بکنگ اور ڈیویلپمنٹ کو روکنے کے لیے کو سابقہ وارننگ کے باوجود 4 مذکورہ ہاؤسنگ سکیموں الحرم سٹی ، پارک زمین ٹاؤن ، یونیورسٹی ہومز، کے مالکان نے قواعد و ضوابط کی خلاف ورزی کرتے ہوئے بکنگ دفاتر کا کام جاری رکھا ہوا تھا ، مشترکہ آپریشن ٹیم میں آر ڈی اے اور تھانہ دھمیال چکری روڈ راولپنڈی کے اہلکار شامل تھے۔ ٹیم کے اہم ارکان میں اسسٹنٹ ڈائریکٹر پلاننگ آر ڈی اے علی رضا، آر ڈی اے سکیم/ بلڈنگ انسپکٹرز اور ٹیم کے دیگر ارکان نے آپریشن کیا، انہوں نے کہا اس کے علاوہ عوام الناس کی حوصلہ افزائی کی جاتی ہے کہ وہ آر ڈی اے کی ویب سائٹ (www.rda.gop.pk) پر چیک کریں اور صرف منظور شدہ ہاؤسنگ سکیموں سے خرید و فروخت کریں.
