راولپنڈی(نیوز رپورٹر) ڈائریکٹر جنرل پی ایچ اے احمد حسن رانجھا کی خصوصی ہدایت پر پارکس اینڈ ہارٹیکلچر اتھارٹی راولپنڈی کی جانب سے علامہ اقبال پارک گلزار قائد میں شجرکاری مہم کا انعقاد،مقامی سکول کے بچوں اور اساتذہ نے مہم میں بھرپور حصہ لیا۔اساتذہ اور بچوں نے خوب دلچسپی سے علامہ اقبال پارک میں پودے لگا کر پی ایچ اے کے کلین اینڈ گرین مشن کے ساتھ یکجہتی کا اظہار کیا۔ ڈائریکٹر جنرل پارکس اینڈ ہارٹی کلچراتھارٹی راولپنڈی احمد حسن رانجھا کی ہدایات پرشہر میں شجر کاری مہم جاری ہے۔سکولز ، کالجز اور یونیورسٹی طلبا ء و طالبات کو شجر کاری مہم میں شامل کیا جارہاہےتاکہ عوام میں شجر کاری کی اہمیت کو اجاگر کیا جا سکے۔
مقامی سکول کے اساتذہ نے پی ایچ اے کی گلزارِ قائد میں شجرکاری مہم کو سراہتے ہوئے کہا کہ بچوں کو جس احسن انداز میں اس صحت مندانہ سرگرمی میں شامل کیا گیا ہے یہ مثبت اقدام ہے اور شجر کاری کے شہر کے موسم پر مثبت اثرات مرتب ہونگے،سکول کے بچوں کی بڑی تعداد نے سکول سمیت گھروں، گلی اور محلوں میں شجرکاری مہم میں حصہ لینے کا عزم کیاڈی جی پی ایچ اے احمد حسن رانجھا کا کہنا تھا کہ باصلاحیت طلبہ ہی ملک و قوم کا قیمتی اثاثہ ہیں۔دنیا وآخرت کی حتمی کامیابی کا دارومدارعلم پر ہے۔
انھوں نے مزید کہا کہ درخت اور پودے انسانوں اور جانوروں کی زندگی کیلئے بڑی اہمیت کے حامل ہیں،سکول کے بچوں نے مستقبل میں بھی پی ایچ اے کی شجرکاری مہم میں بھرپور شرکت کرنے کے عزم کا اظہار کیا۔
