راولپنڈی(نیوز رپورٹر)پاکستان سمیت آج دنیا بھر میں پانی کا عالمی دن بنایا جا رہا ہے پانی کے عالمی دن 22 مارچ کے موقع پر اقوام متحدہ نے ہر سال کی طرح پانی کی اہمیت اجاگر کرنے کیلئے اس سال کا تھیم “گلیشئر پریزرویشن” دیا ہے جس کا بنیادی مقصد پوری دنیا میں ماحولیاتی تبدیلیوں کے نتیجے میں گلیشئر کے پگھلنے کی وجہ سے درجہ حرارت میں تبدیلی کے ساتھ ساتھ پانی کی ذخائر میں کمی سمیت دنیا بھر کو جو ماحولیاتی چیلنجز درپیش ہیں ان کا تدارک اور سدباب کیا جا سکے.
واسا راولپنڈی نے اس سلسلے میں شہریوں کی آگاہی و رہنمائی کے لیے ہمہ وقت کوشاں ہے منیجنگ ڈائریکٹر واسا محمد سلیم اشرف نے پانی کے عالمی دن کے موقع پیغام ماحولیاتی تبدیلیوں کے نتیجے میں دنیا کو مختلف پیچیدہ چیلنجز کا سامنا ہے تمام ممالک مل کر ہی ایک لائحہ عمل کے ذریعے اس کا مقابلہ کر سکتے ہیں ایم ڈی واسا ماحولیاتی تبدیلیوں کا مقابلہ جنگلات لگا کر کیا جا سکتا ہے اور واسا راولپنڈی اس سلسلے میں حکومت پنجاب اور وزیر اعلیٰ پنجاب مریم نواز شریف کے ویژن کے مطابق شجر کاری مہم میں بھرپور حصہ لے رہا ہے.
پانی کے عالمی دن کے موقع پر واسا راولپنڈی کی طرف سے واک کا اہتمام کیا گیا جس میں ایم ڈی واسا سمیت افسران و عملے کے ساتھ شہریوں کی بڑی تعداد نے شرکت کی اس موقع پر پانی کے عالمی دن کے حوالے سے بینزر آویزاں کیے گئے اور شہریوں میں پانی کی اہمیت سے متعلق پمفلٹس بھی تقسیم کئے گئے .
