راولپنڈی(نیوز رپورٹر) پارکس اینڈ ہارٹیکلچر اتھارٹی راولپنڈی ڈی جی پی ایچ اے احمد حسن رانجھا کی زیر نگرانی شہر کی خوبصورتی اور کلین اینڈ گرین مشن کے ساتھ ساتھ نوجوانوں کو صحت افزاء اور کھیل کود کی سرگرمیاں فراہم کرنے میں پیش پیش،پی ایچ اے کے زیر اہتمام ڈی جی پی ایچ اے رمضان کرکٹ کپ 2025 کا شاندر اختتام ہو گیا،فائنل میچ پوٹھوار کرکٹ گراونڈ میں کھیلا گیا،فائنل میں پی ایچ اے اور سپارٹنز کی ٹیمیں مدمقابل آئیں،سپارٹنز نے پہلے کھلتے ہوئے 20 اورز میں 191 رنز کا ہدف مقرر کیا،جواب میں پی ایچ اے کی ٹیم 106 رنز بنا سکی،اس طرح سپارٹنز کی ٹیم ٹائٹل جیتنے میں کامیاب ہو گئی،ٹورنامنٹ کی اختتامی تقریب این اے 52 کے پوٹھوار گراؤنڈ میں منعقد ہوئی،
تقریب میں ڈائریکٹر ایڈمن اینڈ فنانس (پی ایچ اے) حسنین صاحب،ڈائریکٹر ہارٹیکلچر شیخ طارق محمود،سابق کرکٹر مسعود انور اور دیگر اہم شخصیات نے شرکت کی.
فائنل میچ کے اختتام پر پوٹھوار کرکٹ گراونڈ میں شاندار آتشبازی کا مظاہرہ کیا گیا، اختتامی تقریب کا آغاز تلاوتِ کلام پاک سے ہوا،مختلف شعبہ ہائے زندگی سے تعلق رکھنے والے افراد اور عوام کی بھرپور شرکت،
ڈی جی پی ایچ اے رمضان کرکٹ کپ میں 16 ٹیمز نے شرکت کی،4 پول مرتب کئے گئے تھے،ٹیموں میں مختلف ڈیپارٹمنٹس اور پروفیشنل کرکٹ کلبوں کی ٹیمیں شامل تھیں،پی ایچ اے کی ٹیم نے فائنل تک رسائی حاصل کی،سپارٹنز کی ٹیم فائنل جیتنے میں کامیاب ہوئی،پی ایچ اے کی جانب سے اس ٹورنامنٹ کا انعقاد ہر سال کروایا جائے گا،کلین اینڈ گرین مشن کے ساتھ ساتھ پارکس اینڈ ہارٹیکلچر اتھارٹی راولپنڈی نوجوانوں کو کھیلوں کی سرگرمیاں فراہم کرنے میں بھی اہم کردار ادا کر رہی ہے.
ٹورنامنٹ کے انعقاد کو حکومت کی بجائے سپانسرز نے یقینی بنایا ہے،حکومت کے خزانے سے کوئی رقم بھی خرچ نہیں کی گئی،اختتامی تقریب کے مہمانانِ گرامی نے اپنے اپنے خیالات کا اظہار کیا، نوجوانوں کے لئے کھیلوں کی سرگرمیوں کے فروغ کے لئے ڈی جی پی ایچ اے احمد حسن رانجھا کی خصوصی کاوشوں اور کامیاب ٹورنامنٹ کے انعقاد کو خوب سراہا گیا،رمضان کرکٹ کپ ٹورنامنٹ کو عوام میں بھی خوب پزیرائی ملی،تقریب سے خطاب کرتے ہوئے سابق ٹیسٹ کرکٹر مسعود انور کا کہنا تھا کہ راولپنڈی کے نوجوانوں کے لیے کھیلوں کی سرگرمیاں فراہم کرنا پی ایچ اے کا ایک احسن اقدام ہے،نوجوانوں کو صحت افزا سہولیات اور کھیلوں کے مواقع فراہم کر کے ان کی بہترین افزائش کی جا سکتی ہے،بہترین ٹورنامنٹ کے انعقاد پر ڈی جی پی ایچ اے مبارکباد کے مستحق ہیں، فاتح اور رنرز اپ ٹیم کو مبارکباد پیش کرتا ہوں.
ڈائریکٹر ایڈمن اینڈ فنانس (پی ایچ اے) حسنین صاحب نے تقریب سے خطاب کرتے ہوئے کہا پی ایچ اے راولپنڈی کے عوام کو خوبصورتی اور صاف ستھرا ماحول فراہم کرنے کے ساتھ ساتھ کھیلوں کے مواقع فراہم کرنے کے لیے بھی کوشاں ہے،چاہتے ہیں راولپنڈی کی عوام کی بہترین خدمت کریں،راولپنڈی کے لوگوں کو کھیلنے اور کھیل دیکھنے کے بہترین موقع فراہم کریں گے،رمضان میں ایونٹ کے انعقاد کا مقصد یوتھ کو انگیج کرنا تھا،انھوں نے مزید کہا کہ پارکس میں سپورٹس کی سہولیات بھی فراہم کی جا رہی ہیں،امید کرتے ہیں کہ عوام اس طرح کی ایکٹیوٹیز کے انعقاد میں پی ایچ اے کی حوصلہ افزائی کرے گی،شاندار ٹورنامنٹ کے انعقاد پر منتظمین کو مبارکباد پیش کرتا ہوں،فائنلسٹ ٹیموں کو بھی مبارک باد پیش کرتا ہوں ،وہ تمام کھلاڑی بھی داد کے مستحق ہیں جنہوں نے ٹورنامنٹ میں بہترین کھیل پیش کیا.
بعد ازاں مہمانوں کی جانب سے فاتح ٹیم سپارٹنز کو 3 لاکھ روپے انعام اور رنرز اپ ٹیم پی ایچ اے کو ڈیڑھ لاکھ روپے انعام اور خوبصورت ٹرافیاں دی گئیں،اس کے علاوہ ٹورنامنٹ کے میچ آفیشلز اور بہترین کارکردگی دکھانے والے کھلاڑیوں کو بھی ایوارڈز دئیے گئے،ٹورنامنٹ کی اختتامی تقریب کے موقع پر پی ایچ اے راولپنڈیکی جانب سے پوٹھوار گراونڈ میں شجرکاری کو فروغ دینے کے لئے ایک فری پلانٹ ڈسٹریبیوشن کیمپ بھی لگایا گیا،جس میں پی ایچ اے کی جانب سے عوام میں مفت پودے تقسیم کئے گئے اور شجرکاری مہم میں بھرپور حصہ لینے کی ترغیب بھی دی گئی.
