راولپنڈی(نیوز رپورٹر) ڈائریکٹر جنرل آرڈی اے کنزہ مرتضیٰ نے اپنے ایک اہم بیان میں کہا ہے کہ پاک فوج کے آپریشن ” بُنیان مرصوص” نے دشمن ملک بھارت میں بھارتی افواج کو بھرپور اور مؤثر جواب پاک افواج نے دیا ۔ انہوں نے کہا کہ بھارت نے حملے میں پہل کرتے ہوئے پاکستان کی امن کی خواہش کو کمزوری سمجھنے کی سنگین غلطی کی، جس کا منہ توڑ جواب دیا گیا ہے۔
ان کا کہنا تھا کہ پاک افواج نے بھارتی فوجی تنصیبات کو نشانہ بنایا، اور پاک فضائیہ کے شاہین دشمن پر قہر بن کر ٹوٹے ہیں۔ انہوں نے مزید کہا کہ پاکستان کو نہ صرف عسکری بلکہ اخلاقی برتری بھی حاصل ہے، اور پوری پاکستانی قوم افواج پاکستان کے ساتھ کھڑی ہے۔ “ہمارے بے گناہ شہریوں کی شہادت کا حساب لیا جا چکا ہے، اور دشمن کو اس کی جارحیت کا بھرپور خمیازہ بھگتنا پڑا ہے۔
ڈی جی آرڈی اے نے اپنے بیان کے اختتام پر کہا کہ پاکستان کی سرزمین کے دفاع کے لیے پوری قوم متحد ہے اور دشمن کے کسی بھی اقدام کا مقابلہ کرنے کے لیے ہمہ وقت تیار ہے۔
