راولپنڈی(سٹاف رپورٹر)ڈائریکٹر جنرل پارکس اینڈ ہارٹیکلچر اتھارٹی راولپنڈی احمد حسن رانجھا کی خصوصی ہدایات پر راولپنڈی راشد منہاس روڈ کی گرین بیلٹس رنگ برنگے پھولوں سے آراستہ کی گئی ہیں،
موسمی پھولوں کو انتہائی خوب صورت انداز میں کاشت کیا گیا یے جس سے راشد منہاس روڈ کی خوبصورتی کئی گنا بڑھ گئی ہے اور راہگیروں کو ایک خوبصورت احساس ہوتا ہے.
ڈی جی پی ایچ اے احمد حسن رانجھا نے کہا کہ پی ایچ اے موسم کی مناسبت سے راشد منہاس روڈ سمیت شہر کے پارکوں اور چوراہوں کی رنگ برنگے پھولوں سے سجاوٹ کر کے خوبصورت بنا رہا ہے،ہم راشد منہاس روڈ کی گرین بیلٹس پر موسمی پھولوں کو شامل کر رہے ہیں،جس سرسبز ماحول برقرار رہے گا اور خوبصورتی میں اضافہ ہو گا،انہوں نے کہا کہ شہر کی مختلف شاہراہوں اور پارکس کو خصوصی طور پر خوبصورت پھولدار پودوں سے آراستہ کیا جا رہا ہے، پی ایچ اے کا عملہ عوام کی سہولت کے لئے محنت اور لگن سے کام سرانجام دے رہا ہے.
