راولپنڈی(سٹاف رپورٹر )پارکس اینڈ ہارٹیکلچر اتھارٹی راولپنڈی کی جانب سے شہر کو خوبصورت اور سرسبز بنانے،عوام کو بہترین تفریحی سہولیات فراہم کرنے کے حوالے سے خصوصی اقدامات کا سلسلہ جاری ہے،
ڈائریکٹر جنرل پی ایچ اے راولپنڈی احمد حسن رانجھا کی خصوصی ہدایات پر پی ایچ اے نے شہر کے بڑے اور خوبصورت تفریحی مقام علامہ اقبال پارک کی خوبصورتی میں اضافے کے لئے شاندار ہارٹیکلچر کا کام سرانجام دیا ہے،
علامہ اقبال پارک میں خوبصورت ،رنگ برنگے پھول پودوں سے سجاوٹ اور نگہداشت کے کام کو احسن انداز میں سر انجام دیا گیا ہے.
جس سے علامہ اقبال پارک کے حسن میں اضافہ ہوا ہے،عوام کی جانب سے علامہ اقبال پارک کی سجاوٹ، خوشنمائی اور دلکشی دیکھ کر پی ایچ اے کے اقدامات کو خوب سراہا گیا،ہیٹ ویو کے ماحول میں شام کے اوقات میں جب عوام بڑی تعداد میں علامہ اقبال پارک کا رُخ کرتے ہیں تو سرسبز اور خوبصورت ماحول سے انھیں راحت کا احساس ہوتا ہے،پی ایچ اے کی جانب سے علامہ اقبال پارک سمیت راولپنڈی کے دیگر تفریحی مقامات و پارکس کی خوبصورتی اور دیکھ بھال کا کام روزانہ کی بنیادوں پر سر انجام دیا جاتا ہے.
ڈی جی پی ایچ اے احمد حسن رانجھا کا کہنا تھا کہ عوام کی سہولت اور تفریح کے لئے پی ایچ اے اپنے فرائض سرانجام دے رہا ہے،شہر کی خوبصورتی کو بڑھانے اور سرسبز ماحول کو فروغ دینے کے حوالے سے تمام پروجیکٹس کامیابی سے ہمکنار ہو رہے ہیں،ڈی جی پی ایچ اے احمد حسن رانجھا نے مزید کہا کہ علامہ اقبال پارک شہر کا ایک اہم اور بڑا تفریحی مقام ہے،اسکی خوبصورتی اور مینٹیننس پر خصوصی توجہ مرکوز ہے، پارکس اور گرین بیلٹس کی خوبصورتی کو برقرار رکھنے کے لئے پی ایچ اے کا عملہ تمام وسائل بروئے کار لا رہا ہے.
چاہتے ہیں کہ عوام کو شہر میں ایک بہترین اور سرسبز ماحول فراہم کریں،شجرکاری کو فروغ دے کر ہیٹ ویو کے اثرات سے بھی بچا جا سکتا ہے.
