ملتان (سٹاف رپورٹر) وفاقی وزیر ریلوے کی ہدایات پر ریلوے ملتان ڈویژن کا ناجائز قبضہ مافیا کے خلاف بھرپور کریک ڈاؤن ریلوے اسٹیشن فقیر والی اسٹیشن یارڈ فورٹ عباس بہاول نگر کلوز سیکشن کے نزدیک 87 لاکھ روپئے مالیت کی ریلوے زمین واگزار کروا لی گئی تفصیل کے مطابق وفاقی وزیر ریلویز حنیف عباسی کی قبضہ مافیا کے خلاف زیرو ٹالرنس پالیسی کی سخت ہدایات پر عمل پیرا ہوتے ہوئے ڈی ایس ریلوے ملتان ڈویژن ذوالفقار شیخ کی سربراہی میں ریلوے انتظامیہ ملتان ڈویژن نے فقیر والی اسٹیشن یارڈ فورٹ عباس بہاول نگر کلوز سیکشن ناجائز قابضین کے خلاف اینٹی انکروچمنٹ آپریشن کیا گیا۔
آپریشن میں رانا محمد صدیق DSP/B ریلوے پولیس ملتان، فیاض احمد SI/SHO تھانہ ریلوے پولیس بہاول نگر ،محمد اظہر IOW ریلوے بہاول نگر، محمد عباس PWI ریلوے ہارون آباد و نفری ریلوے پولیس اور ریلوے ملازمان نے حصہ لیا۔آپریشن میں ڈیڑھ کنال کمرشل ریلوے اراضی مالیتی 87 لاکھ روپے واگزار کروائی گئی. اس موقع پر ڈی ایس ریلوے ملتان ذولفقار علی شیخ کا کہنا تھا کہ ملتان ڈویژن میں قبضہ مافیا سے ایک ایک انچ ریلوے زمین و واگزار کروائیں گے۔
