راولپنڈی (سٹاف رپورٹر )وزیر اعلی مریم نواز کی ہدایت پر صوبائی وزیر ہاؤسنگ پنجاب بلال یاسین ہنگامی دورے پہ راولپنڈی پہنچ گئے وزیر ہاؤسنگ بلال یاسین نے راولپنڈی میں نالہ لئی میں پانی کی صورتحال کا جائزہ لیا،
ایم ڈی واسا راولپنڈی سلیم اشرف نے پیشگی اقدامات اور جاری آپریشن بارے آگاہ کیا،وزیر ہاؤسنگ پنجاب بلال یاسین نے کہا کہ بارش نے راولپنڈی کا 23 سال پرانا ریکارڈ توڑ دیا ہے 255 ملی میٹر بارش شہر میں ہر طرف پانی کا راج تھا نالہ لئی 21 فٹ تک پانی کی حد تک پہنچ چکا تھا، اب بہتری آچکی ہے پاکستان موسمیاتی تبدیلیوں سے متاثر ہونیوالے ممالک میں سر فہرست ہے .
انہوں نے کہا کہ چند گھنٹوں میں ہی شہر سے پانی کی نکاسی بروقت اقدامات اور فیلڈ آپریشن سے ہی ممکن ہےواسا مشینری مکمل فعال ہے، مرکزی شاہراہوں کو کلیئر کرنے کے بعد گلی محلوں سے نکاسی آب جاری ہے
واسا راولپنڈی اور ضلعی انتظامیہ سے رات سے ہی مسلسل فیلڈ آپریشن میں مصروف ہیں شہر کے نشیبی علاقوں میں خود جا کر نکاسی آب آپریشن کا جائزہ لے رہا ہوں.
