لاہور (سٹاف رپورٹر)وزیراعلی پنجاب مریم نوازشریف نے کہا ہے کہ ہیپاٹائٹس ٹیسٹ کی مفت سہولیات فیلڈ ہسپتالوں اور کلینک آن پر بھی دستیاب ہیں۔ ہیپاٹائٹس کے مریضوں کو مفت ادویات گھروں تک پہنچائی جا رہی ہیں۔وزیر اعلی مریم نواز شریف نے ہیپاٹائٹس سے تحفظ کے عالمی دن پراپنے پیغام میں کہا ہے کہ ہیپاٹائٹس خاموش قاتل ہے۔
ہیپاٹائٹس آہستہ آہستہ جگر کو متاثر کرتا ہے اور بروقت تشخیص و علاج نہ ہونے پر جان لیوا ہو سکتا ہے۔ انہوں نے کہا کہ ہیپاٹائٹس کی ویکسین کی فراہمی کو یقینی بنایا جا رہا ہے۔آگاہی مہم کے ذریعے ہیپاٹائٹس سے متعلق عوام میں شعور اجاگر کیا جا رہا ہے۔صحت مند پنجاب ہی ترقی یافتہ پنجاب ہے۔وزیراعلی مریم نواز شریف نے کہا کہ عوام ہیپاٹائٹس کا ٹیسٹ ضرور کروائیں، ویکسین لگوائیں،پیغام دوسروں تک پہنچائیں۔ احتیاط اور علاج سے ہیپاٹائٹس سے مکمل بچائو ممکن ہے
