راولپنڈی (کرائم رپورٹر)چہلم حضرت امام حسین ؓ کا مرکزی جلوس روایتی راستوں سے ہوتا ہوا امام بارگاہ قدیمی پر اختتام پذیر، راولپنڈی پولیس کے فول پروف سیکورٹی انتظامات، راولپنڈی پولیس کے 4000 سے زائد افسران و اہلکاروں اور 200 سے زائد ٹریفک سٹاف نے فرائض سرانجام دئیے، آر پی او بابر سرفراز الپا، سی پی او سید خالد ہمدانی،ایس ایس پی آپریشنز، ڈویژنل ایس پیز سمیت دیگر سینئر افسران مسلسل فیلڈ میں رہ کر ڈیوٹی کو چیک و بریف کرتے رہے.
آر پی او بابر سرفراز الپا اور سی پی او سید خالد ہمدانی کی چہلم حضرت امام حسین ؓ پر سکیورٹی کے بہترین انتظامات پر راولپنڈی پولیس کے تمام افسران و اہلکاروں کو شاباش، پاک فوج، رینجرز، ضلعی انتظامیہ، امن کمیٹی، میڈیا نمائندگان، تاجر برادری، سول سوسائٹی کو امن و امان کے قیام میں بہترین کوآرڈینیشن اور تعاون پر شکریہ ادا کرتے ہیں، سی پی او سید خالد ہمدانی۔ تفصیلات کے مطابق چہلم حضرت امام حسین ؓ کا مرکزی جلوس روایتی راستوں سے ہوتا ہوا امام بارگاہ قدیمی پر اختتام پذیرہو گیا، راولپنڈی پولیس نے فول پروف سیکورٹی انتظامات کیے، راولپنڈی پولیس کے 4000 سے زائد افسران و اہلکاروں اور 200 سے زائد ٹریفک سٹاف نے فرائض سرانجام دئیے، آر پی او بابر سرفراز الپا، سی پی او سید خالد ہمدانی،ایس ایس پی آپریشنز، ڈویژنل ایس پیز سمیت دیگر سینئر افسران مسلسل فیلڈ میں رہ کر ڈیوٹی کو چیک و بریف کرتے رہے،جلوس میں آنے والے شرکاء کو مکمل باڈی سرچنگ کے بعد داخلے کی اجازت دی گئی، جلوس کی سیکورٹی کیلئے چھتوں پر سنائپرز تعینات کیے گئے تھے.
آر پی او بابر سرفراز الپا اور سی پی او سید خالد ہمدانی نے چہلم حضرت امام حسین ؓ پر سکیورٹی کے بہترین انتظامات پر راولپنڈی پولیس کے تمام افسران و اہلکاروں کو شاباش دی، سی پی او سید خالد ہمدانی کا کہنا تھا کہ پاک فوج، رینجرز، ضلعی انتظامیہ، امن کمیٹی، میڈیا نمائندگان، تاجر برادری، سول سوسائٹی کو امن و امان کے قیام میں بہترین کوآرڈینیشن اور تعاون پر شکریہ ادا کرتے ہیں، امن و امان کا قیام اور شہریوں کی جان و مال کا تحفظ اولین ذمہ داری ہے، جس کے لیے راولپنڈی پولیس ہمہ وقت جانفشانی سے مصروف عمل ہے، آئی جی پنجاب کے احکامات کے مطابق جلوسوں و مجالس کو فول پروف سیکورٹی کی فراہمی یقینی بنائی جارہی ہے۔
