راولپنڈی(کرائم رپورٹر ) ایس ایس پی انویسٹی گیشن رضا تنویر سپرا کی تھانہ کلر سیداں میں میٹنگ اور پٹرولنگ پوسٹ شاہ خاکی اور چوک پنڈوری کا دورہ ، میٹنگ میں ایس ڈی پی او کہوٹہ، ایس ایچ اوز کہوٹہ سرکل اور تفتیشی افسران کی شرکت، ایس ایس پی انویسٹیگیشن نے افسران کی کارکردگی کا جائزہ لیا اور ہدایات دیں، قتل اور سنگین مقدمات میں ملوث ملزمان کو گرفتار کر کے مقدمات کو میرٹ پر یکسو کیا جائے، ایس ایس پی انویسٹیگیشن، سینئر افسران سنگین اور اہم مقدمات کی تفتیش کی خود نگرانی کریں.
ایس ایس پی انوسٹی گیشن رضا تنویر سپرا۔ تفصیلات کے مطابق ایس ایس پی انویسٹی گیشن رضا تنویر سپرا نے تھانہ کلر سیداں میں میٹنگ اور پٹرولنگ پوسٹ شاہ خاکی اور چوک پنڈوری کا دورہ کیا، میٹنگ میں ایس ڈی پی او کہوٹہ، ایس ایچ اوز کہوٹہ سرکل اور تفتیشی افسران نے شرکت کی، ایس ایس پی انویسٹیگیشن نے افسران کی کارکردگی کا جائزہ لیا اور ہدایات دیں، ایس ایس پی انویسٹی گیشن رضا تنویر سپرا کا کہنا تھا کہ اشتہاری مجرمان اور سابقہ ریکارڈ یافتگان کے خلاف کریک ڈاؤن میں تیزی لائی جائے.
قتل اور سنگین مقدمات میں ملوث ملزمان کو گرفتار کر کے مقدمات کو میرٹ پر یکسو کیا جائے، سینئر افسران سنگین اور اہم مقدمات کی تفتیش کی خود نگرانی کریں، منشیات فروشوں کی سزایابی بہترین تفتیش اور پیروی مقدمہ سے ہی ممکن ہے جس پر مزید توجہ دی جائے، زیر تفتیش مقدمات کو میرٹ پر تفتیش کرتے ہوئے بروقت چالان کیا جائے، تھانہ میں آنے والے شہریوں کو بہترین سروس ڈیلیوری کو یقینی بنایا جائے، ایس ایس پی انویسٹیگیشن نے پٹرولنگ پوسٹ شاہ خاکی اور چوک پنڈوری کا بھی وزٹ کیا،ایس ایس پی انویسٹیگیشن نے پٹرولنگ پوسٹوں کا ریکارڈ،صفائی اور دیگر امور کا تفصیلی جائزہ لیا،انچارج پوسٹوں کو بمطابق ایس او پی گشت کو مزید موثر بنانے کی ہدایات دیں۔
