راولپنڈی (سٹاف رپورٹر)پارکس اینڈ ہارٹیکلچر اتھارٹی راولپنڈی کی جانب سے خوبصورتی اور سرسبز ماحول کو برقرار رکھنے کیلئے شہر کی اہم شاہراہوں کی گرین بیلٹس کی سجاوٹ اور ہارٹیکلچر کا کام جاری ہے، راولپنڈی شہر کو خوبصورت بنانے کے لئے تمام تر وسائل بروئے کار لائے جا رہے ہیں ڈی جی پی ایچ اے احمد حسن رانجھا کی خصوصی ہدایات پر پی ایچ اے شہر بھر کی اہم شاہراہوں کی گرین بیلٹس اور چوک چوراہوں کی تزین و آرائش کا کام سر انجام دے رہا ہے،اس حوالے سے پی ایچ اے کا عملہ ہمہ وقت میدانِ عمل میں ہے.
پی ایچ اے کی جانب سے گرین بیلٹس پر لگے پودوں اور خوش رنگ پھولوں کی نگہداشت کا کام بھی باقاعدگی سے جاری ہے تاکہ انکی تازگی کو برقرار رکھا جا سکے،پی ایچ اے راولپنڈی کا عملہ شہر میں سرسبز ماحول کے فروغ کے لئے تمام تر ضروری اقدامات پر عمل پیرا ہے پھول،پودوں کو موسمی اثرات سے بچانے کے حوالے سے بھی پی ایچ اے ضروری اقدامات سرانجام دے رہا ہے،شہر میں ہر طرف رنگ برنگے پھول پودوں کی بہار کا سا سماں دکھائی دیتا ہے،جس سے راولپنڈی شہر کی خوبصورتی اور سرسبز ماحول میں اضافہ ہوا ہے،گرین بیلٹس کی سجاوٹ،دل کو موہ لینے والے خوبصورت پھول اور سرسبز مناظر عوام کی توجہ کا مرکز ہیں،شہر میں اپ گریڈیشن اور بیوٹیفیکیشن کے متعدد منصوبے جاری ہیں،پی ایچ اے پنجاب حکومت کے وژن کے مطابق شہریوں کو بہترین تفریحی سہولیات فراہم کرنے میں پیش پیش ہے.
پی ایچ اے کی جانب سے ڈی جی پی ایچ اے احمد حسن رانجھا کی خصوصی ہدایات پر روزانہ کی بنیاد پر شہر کی گرین بیلٹس پر پودوں پھولوں کی دیکھ بھال کا کام سرانجام دیا جا رہا ہے.
