راولپنڈی (کرائم رپورٹر )تھانہ پیرودھائی نے ،شادی کا جھانسہ دے کر خاتون سے زیادتی کرنے اور جان سے مارنے کی دھمکیاں دینے کے مقدمہ میں دوسرا شخص بھی گرفتار۔تفصیلات کے مطابق پیرودھائی پولیس نے کارروائی کرتے ہوئے شادی کا جھانسہ دے کر خاتون سے زیادتی کرنے اور جان سے مارنے کی دھمکیاں دینے کے مقدمہ میں دوسرے شخص کو بھی گرفتار کرلیا.
واقعہ کا مقدمہ رواں ماہ درج کیا گیا تھا، زیر حراست شخص کو پیرودھائی پولیس نے ہیومن انٹیلی جنس سمیت تمام وسائل بروئے کار لاتے ہوئے گرفتار کیا،متاثرہ خاتون کا میڈیکل پراسیس کروایا گیا تھا،زیر حراست شخص کے ایک ساتھی کو قبل ازیں گرفتار کیا جا چکا ہے، ایس پی راول سعد ارشد کا کہنا تھا کہ خواتین،بچوں سے زیادتی، تشدد یا ہراسمنٹ نا قابل برداشت ہیں.
