لاہور (سٹاف رپورٹر)پی ڈی ایم اے پنجاب نے دریائے راوی، ستلج اور چناب میں سیلاب کے باعث ہونے والے نقصانات کی رپورٹ جاری کر دی۔ریلیف کمشنر پنجاب نبیل جاوید کے مطابق دریائے راوی ستلج اور چناب میں شدید سیلابی صورتحال کے باعث 45 سو سے زائد موضع جات متاثر ہوئے۔ دریائے چناب میں سیلاب کے باعث مجموعی طور پر 2315 موضع جات متاثر ہوئے۔ دریائے ستلج میں سیلاب کے باعث 666 موضع جات متاثر ہوئے۔ ریلیف کمشنر نبیل جاویدکیمطابق دریائے راوی میں سیلاب کے باعث مجموعی طور پر 1495 موضع جات متاثر ہوئے۔ دریاوں میں سیلابی صورتحال کے باعث مجموعی طور پر 42 لاکھ 87 ہزار لوگ متاثر ہوئے۔
سیلاب میں پھنس جانے والے 22 لاکھ 62 ہزار لوگوں کو محفوظ مقامات پر منتقل کیا گیا۔شدید سیلاب سے متاثرہ اضلاع میں 396 ریلیف کیمپس قائم کیے گئے ہیں۔نبیل جاوید نے بتایا کہ سیلاب سے متاثر ہونے والے اضلاع میں 490 میڈیکل کیمپس بھی قائم کیے گئے ہیں۔ مویشیوں کو علاج معالجے کی سہولت فراہم کرنے کے لیے 412 ویٹرنری کیمپس قائم کیے گئے ہیں۔انہوں نے بتایا کہ متاثرہ اضلاع میں ریسکیو وہ ریلیف سرگرمیوں میں 16 لاکھ 96 ہزار جانوروں کو محفوظ مقامات پر منتقل کیا گیا۔
منگلا ڈیم 90 فیصد جبکہ تربیلا ڈیم 100 فیصد تک بھر چکا ہے۔ دریائے ستلج پر موجود انڈین بھاکڑا ڈیم 90 فیصد تک بھر چکا ہے۔ پونگ ڈیم 99 فیصد جبکہ تھین ڈیم 97 فیصد تک بھر چکا ہے۔انہوں نے بتایا کہ حالیہ سیلاب میں مختلف حادثات میں 79 شہری جانبحق ہوئے۔وزیر اعلی پنجاب کی ہدایات کے پیش نظر شہریوں کے نقصانات کا ازالہ کیا جائے گا۔
