لاہور(سٹاف رپورٹر )وزیراعلی پنجاب مریم نواز نے کہا ہے کہ پنجاب کے عوام برادر ملک چین کی76ویں سالگرہ کی خوشیوں میں برابر کے شریک ہیں،پاک چین دوستی حکومت سے عوام کی سطح تک ناقابل تردید حقیقت ہے۔بدھ کو عوامی جمہوریہ چین کے 76ویں قومی دن پر جاری تہنیتی پیغام میں انہوں نے چین قیادت اور عوام کو مبارکباد جبکہ صدر شی جن پنگ اوران کے رفقا ءکار کیلئے نیک تمنا ئوں کااظہا ر کرتے ہو ئے کہا کہ پنجاب کے عوام برادر ملک چین کی76ویں سالگرہ کی خوشیوں میں برابر کے شریک ہیں ،چین او رپاکستان مثالی ہمسائے، اچھے دوست اور قابل قدر شراکت دار ہیں۔
مریم نواز نے کہا کہ پاک چین دوستی حکومت سے عوام کی سطح تک ناقابل تردید حقیقت ہے،چینی تعاون سے پاکستانی معیشت کی ترقی اور استحکام میں مدد مل رہی ہے۔ انہوں نے کہا کہ چین نے عالمی سطح پر انسانی ترقی میں بھرپور کردار ادا کرتے ہوئے مشترکہ روشن مستقبل کی تعمیر کے ویژن کو فروغ دیا،چین کے حالیہ دورہ سے پنجاب میں کینسر کے مریضوں کیلئے کو۔ابلیشن مشین لیکر آئے ہیں،کو۔ ابلیشن مشین کے علاج سے کینسر کے مریض جلد صحت یاب ہوجاتے ہیں۔
