راولپنڈی (سپیشل رپورٹر)مسلم لیگ ن کے ممبر صوبائی اسمبلی و پارلیمانی سیکرٹری پنجاب ، بلیوولڈسٹی ہاؤسنگ سوسائٹی کے مالک کی ایما پر سہال اڈہ پر کروڑوں روپے مالیت کی 22 سو کنال ز مین کے تنازعہ پر فائرنگ اور تشدد کر کے ایک شخص قتل دو زخمی ہوگئے۔ پولیس نے پارلیمانی سیکرٹری چوہدری نعیم اعجاز، ان کے بھائی وسیم اعجاز، ندیم اعجاز اور دیگر ساتھیوں کے خلاف قتل اقدامام قتل سمیت دیگر د فعات کے تحت ،مقتول محمد حسنین کے بھائی اور سابق کونسلر محمد ثقلین کی در خواست پر مقدمہ درج کیا گیا.
پولیس کو در خواست میں بتایا گیا کہ مقتول کے خاندان کی موضع سہال میں آبائی زمین ہے، جس پر ایم پی اے نعیم اعجاز کے کارندے مسلسل قبضے کی کوشش کرتے آ رہے تھے،محمد ثقلین نے بتایا کہ ، بیس روز قبل انہوں نے دیگر دیہاتیوں کے ساتھ ایم پی اے کے خلاف زمینوں پر قبضے کے خلاف احتجاج بھی کیا تھا،بعدازاں معاملے کو افہام و تفہیم سے حل کرنے کے لیے ایک کمیٹی تشکیل دی گئی اور اسی سلسلے میں محمد ارشاد کے گھر مشاورت کے بعد مقتول اپنے چچا اور دیگر اہلِ علاقہ کے ہمراہ سہال چوک پہنچے،ایف آئی آر کے مطابق اسی دوران وسیم اعجاز، علی عمران، رمان عمران، وحید اور دیگر 10 سے 15 افراد اسلحہ، آہنی راڈ اور ڈنڈوں سے لیس ہو کر ویگو ڈالوں میں وہاں پہنچے اور آتے ہی شدید فائرنگ اور حملہ کر دیا،حملے میں محمد حسنین، تجمل اسرار اور چچا مشتاق زخمی ہو گئے۔
حسنین کو اسپتال منتقل کیا جا رہا تھا کہ وہ زخموں کی تاب نہ لاتے ہوئے دم توڑ گئے،مدعی نے الزام عائد کیا ہے کہ حملہ ایم پی اے نعیم اعجاز اور ان کے بھائیوں کی ایما پر کیا گیا اور اس کا مقصد زمین پر قبضہ کرنا تھا،واقعے کے بعد مقتول کے لواحقین اور مقامی افراد نے سہال روڈ پر شدید احتجاج کیا۔پولیس حکام اور اے ایس پی صدر زینب ایوب نے مظاہرین سے مذاکرات کے بعد احتجاج ختم کرایا، جس کے بعد لاش کا پوسٹ مارٹم اور زخمیوں کا میڈیکل کروا کر مقدمہ درج کیا گیا رکن پنجاب اسمبلی چوہدری نعیم اعجاز سے موقف کے لیے متعدد بار رابطے کی کوشش کی گئی، تاہم انہوں نے فون ایٹنڈ نہ کیا۔
یاد رہے کہ پنجاب اسمبلی چوہدری نعیم اعجاز کے گھر قبل ازین پنڈی پولیس گھر گھس کر کروڑوں روپے لے گئےجس کا الزام چوہدری نعیم نے سی سی ڈی پر لگایا اور ایک درخواست ار پی او کو دی جس کی انکوائری چل رہی ہے چوہدری نعیم اعجاز، ندیم اعجاز سمیت دیگر کے خلاف متعدد مقد مات درج میں لیکن پو لیس ان کو گر فتار نہ کر سکی۔
